Levitikas 8:12 - Buka Blahi Ka Cheke Holo

¹² Mana tofa keha oel ka phaꞌugna mae Eron, mala blahi mana.

Levitikas 8:12 ပူးပေါင်းရင်းမြစ်များ

Eksodas 30:30

“Iagho ginauna tofa katha oel blahi ka phaꞌugna Eron, nei ka thugna mana re, eghuteuna iagho fablahidi mare mala pris mala loku ranghi ghau iara.

Nodi Khoje Hatimare Mae Jiu 133:2

Nafnata puhi te au fodu igne thofno keli fara, jateula teke eni mare kani teke taofini mae Eron ia eghu. Mare neke tofa oel te siri keligna na ka phaꞌugna mana na, eghuteuna oro me soru ka gremohogna nei pohegna teku mana ra.

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Levitikas 7:36

Ka narane tuana, Lord neke cheke ranghidi naiknodi Israel mala atha tei phei nafnahi igre, nafnahi teke fafara fabrahu ka hatimare mae pris, igne kaisei vetula te mala leghuni fabrahu mare na.

Levitikas 8:30

Aonu mae Moses ne atha katha oel blahi balugna katha dadara teke lilisei ka olta na, eghuteuna mana fuafusa thoghei ne tei ka mae Eron nei ka nogna pohe mana re, nei ka thugna neu nodi pohe teu mare re. Ka puhi igne, mana ne taofidi mare balu nodi pohe.

Levitikas 10:7

Ghotilo thosei jifla ka grengathagna Suga tapuale te Blahi na. Jame te jifla ghotilo ka vido tuana na, ghotilo ginauna lehe, naugna iara neke taofi ghami ghotilo hi ka nogna oel blahi Lord.” Aonu thilo mare ne eni jateula teke chekeni mana na neu.