Levitikas 8:1 - Buka Blahi Ka Cheke Holo

¹ Lord ne cheke eghu ka mae Moses,

Levitikas 8:1 ပူးပေါင်းရင်းမြစ်များ

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Eksodas 29:1

Lord ne cheke eghu ka mae Moses, “Igne unha nate eni iagho kate taofidi mae Eron nei thugna manare teu te mala loku mare nogna gloku mae pris na ranghi ghau iara. Iagho mala atha kaisei sua buluka nalhaꞌugna nei phei sipu nalhaꞌudi te theo kaisei thona ka thinidire.

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Eksodas 40:12

“Iagho ginauna atha mei Eron baludi thugna ka grengatha gna Suga Tapuale te Blahi mala titihi di ka khoꞌu, mala klino mare ka tathagu iara na.

Levitikas 7:38

Vetula igre Lord neke tusu lao ka mae Moses ka namono nagou ka Thogele Sanai. Ka narane tuare mana neke cheke ka naiknodi Israel mala fafara nei pogho soruni eghu mana.

Levitikas 8:2

“Atha mei Eron baludi thugna ra ka grengathagna Suga Tapuale te Blahi. Atha mei nodi pohe blahi mae pris ra, nei oel blahi, nei buluka nalhaꞌugna ia mala fafara mala doglo mare ka tathagu iara na, nei phei sipu nalhaꞌudi nei kharaꞌo te au thilo nafnata bret te theo isi tadi. Eghuteuna iagho kafe kilo meidi ka vido tuana.”

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Eksodas 29:29

“Kate lehe mae Eron na, ghotilo ke tusu lao phoko blahi mana re ka mae thugna mana nate ke karha mei ginau ke leghugna mana re. Eghuteuna mae ihei ka thugna mana na teke taofi pris ke leghugna mana na, mae tuana nate ke fahaghe phoko mana re.

Eksodas 39:32

Aonu, naiknodi Israel gre ne loku fahui gloku ka Suga Tapuale te Blahi te mala Thafoni God, eghuteuna mare edi gobigna lepo igre thofno leghuni unha teke chekeni Lord ka Moses.

Naba 3:3

Moses gne neke tofa oel ka thugna mae Eron gre neke fablahidi mala mae pris.

Ululahu Kronikols 6:49

Mae Eron baludi goro thugna mana igre ngala te tangomana te mala gahu insens nei gahu fafara teu ke kligna olta na. Mae igre ngala te au nodi nolaghi te mala loku ke lamnagna Chogho te Blahi fara na. Eghuteuna mare fafara mala hata fadelei nakhibodi naiknodi Israel. Mare edi glepo igre thofno leghuni unha te chekeni mae Moses, nogna mae gloku God.