Levitikas 7:21 - Buka Blahi Ka Cheke Holo

²¹ Jame kaisei mae ka ghotilo haboni kaisei glepo te theome klino ka tathagu iara na, neuba mana ne haboni glepo tautagu ba glepo te jifla mei ka thinigna nalhaꞌu ba gaꞌase, eghuteuna ke leghu mana ghamu nafnahigna fafara igne, te eghuna, ghotilo faꞌau kosini mana ka naiknodi Israel.”

Levitikas 7:21 ပူးပေါင်းရင်းမြစ်များ

Profet Esikiel 4:14

Nu iara cheke eghu, “Lord! Iara theome eni kolho kaisei glepo te mala thona iara ka tathamu iagho na. Funu ka narane kani suagu te ghilei mei posa ka narane gognarogne, iara theome ghamu kaisei nafnahi buluka teke lehe thegna, ba keha nafnata glepo tautagu teke kathu falehe keha glepo te tautagu na. Iara theome ghamuni kaisei gano te theome gae ka tathamu iagho na.”

Levitikas 12:1

Lord ne cheke eghu ka mae Moses,

Levitikas 11:20

“Ghotilo thosei ghamu nafnata momogo te lase flalo nei lase tagu ka ghahedi re teu igre, ghotilo lasedi glepo igre thono diꞌa fara.

Diutronomi 14:10

Blahi te ghamu ghotilo glepo te karha te au ke lamna thongna te theome au sekudi nei khapudi teu are, naugna theome gae ka tathagna Lord.

Diutronomi 14:3

Aonu mae Moses ne cheke eghu, “Ghotilo thosei ghamu kaisei gano te thono diꞌa fara.

Levitikas 22:4

“Jame kaisei ka mae pris igre au fogra diꞌa ka thini, ba mana au fogra te jifla mei glotho ka mamaja gna na, pris igne theome klino ka tathagu iara na. Eghuteuna mana mala thosei ghamu kaisei vido ka gano blahi ghilei thokeni narane teke klino fapulo mana na. Eghuteuna jame kaisei pris haboni kaisei glepo te theome klino naugna mana neke haboni thini gna mae te lehe na, ba kholo gna mae pris igne jifla mei ka thini gna mana na,

Levitikas 18:29

“Eghuteuna jame ihei te eni kaisei glepo te diꞌa ka igre na, ghotilo mala lisei fadelei ka naiknodi Israel.

Levitikas 17:14

Nakarhadi gobigna lepore au ka dadara gna na, naugna igne te chekeni iara ka ghotilo naiknomi Israel, te mala thosei koꞌu dadara ba ghamu nafnahigna glepo tautagu te au teu dadara gna na. Jame ihei te ghamu nafnata nafnahi igne na, ghotilo ginauna hata fadeleini ka naiknodi Israel.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Levitikas 7:27

Ihei te ghamu dadara na ghotilo faꞌau kosini mana mala jateula naikno phosa eghu mana ka naiknodi Israel.”

Levitikas 7:25

Jame kaisei mae ghamu garofa gna nafnata glepo tautagu naba te atha te mei te mala fablahi iara Lord na, ghotilo faꞌau kosini mana ka naiknodi Israel.

Levitikas 7:20

Eghuteuna jame kaisei mae theome klino ka tathagu iara na ghamu nafnahi igne, ghotilo faꞌau kosini ka naiknodi Israel.

Eksodas 12:19

Ka fitu narane igre na theome magnahagheni te filoni kaisei isi ka sugami ghotilo re, ba ka sugadi iheire te posa mei te au balumi ghotilo are. Jame kaisei naikno ka ghotilo te ima u bret te au isi tagna na, ghotilo fa au kosini naikno tuana ka vikegna Israel.”

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Levitikas 7:22

Lord ne cheke eghu ka mae Moses,

Levitikas 22:3

“Cheke ka mare, ginauna mae pris ka tharakna di mare igre te theome klino ka tathagu iara na, mana theome naba te mei namo ka fafara blahi igre. Tutuani, mae pris tuana theome tangomana teke mei loku ka olta ke ulugu iara. Vetula igne ginauna au fabrahu. Iara Lord.

Naba 19:22

Eghuteuna keha glepo teke habo mae te theome klino igne na, glepo tuare jaola theome gae, eghuteuna mae ihei teke habo ka glepo tuare, mare jaola theome klino ghilei rafi.”

Ululahu Samuel 20:26

King ne theome chekeni kaisei glepo ka iheire te au teu jate ka narane igne eigna mae Devet, naugna glahu edi mae Devet keha glepo te theome doglo ke ulugna Lord, te theome naba mae Devet te mei ka gaghamu igne leghuni unha te chekeni ka vetula na.

Levitikas 19:8

Ihei te ghamu nafnahi tuana, nabagna te mala papara na naugna mana goigoni kaisei glepo blahi, eghume ghotilo lisei fakosini ka naiknodi Israel.

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Levitikas 23:29

Jame ihei te huhughu te ghamu ka narane biꞌo igne na, ghotilo mala lisei fadelei ka nogu naikno iara re.

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’