Levitikas 7:16 - Buka Blahi Ka Cheke Holo

¹⁶ “Jame kaisei mae ei fafara naugna mana neke eni kaisei nhaꞌa cheke, ba fafara te eni mana leghuni unha te magnahagheni mana na, mana tangomana te ghamu nafnahi gna fafara igne ka narane tuanala nei jaola ka keha narane na.

Levitikas 7:16 ပူးပေါင်းရင်းမြစ်များ

Diutronomi 12:6

ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Profet Nahum 1:15

Ghotilo naiknomi Juda! Filo ghotilo ia! Kaisei mae mala hata nonomho na la plomho mei ka thogele ro. Mana hata mei famane nonomho eigna pharikeli. Te keli na tahati mala gleale'a eidi noda narane biꞌo igre mala ke ghathodi noda nhaꞌa cheke teke eni tahati balugna Lord. Naikno te diꞌare ginauna theome tangomana nate mei hata noda namono tahati igne. Lord ginauna thofno goigonidi mare, eghuteuna theo kaisei ka mare nate karha na.

Profet Esikiel 46:12

“Kate hata te mei king fafara te mala leghuni unha te magnahagheni mana na, neuba fafara te thofno krono fara ba fafara te mala laseni te fofodu fakeli balugu iara na, grengatha ke maghati igne ginauna thora, mala ruma mei mana tagna. Eghuteuna mana ginauna mala edi nogna fafara igre jateula te sughu edi mana ka narane Sabat ra eghu. Eghuteuna kate jifla mana kosi na, ghotilo ginauna bobotho grengatha gna bara igne.”

Nodi Khoje Hatimare Mae Jiu 116:18

Ka tathadi nou naikno iagho te salo fodu mei tarai ka nou Sugablahi iagho na Jerusalem igre, iara ginauna tusu ari glepo teke nhaꞌa chekedi iara ra. Tahati cheke fakelini Lord!

Nodi Khoje Hatimare Mae Jiu 116:14

Ka tathadi nogna naikno God te salo fodu mei tarai teu igre iara ginauna tusu ranghini mana gobigna lepo teke nhaꞌa cheke iara ka mana ra.

Nodi Khoje Hatimare Mae Jiu 66:13

Iara ginauna gahu nogu fafara na ka sugamu iagho na. Uve, iara ginauna tusu ari glepo teke kulu nhaꞌa chekedihi iara ka iagho ra.

Diutronomi 12:26

“Hata tei glepo teke fablahi ghotilo igre nei glepo teke nhaꞌa chekehi ghotilo mala tusu ranghini Lord tekura, ghotilo hata tei ka vido blahi aheva teke vahini Lord nomi God.

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Levitikas 23:38

Narane biꞌo te gnafa igre ghotilo mala jaola tathaji fakeli narane Sabat te gnafa, nei namha te gnafa, nei nhaꞌa cheke te gnafa, nei nogna fafara te gnafa mae ihei te leghuni unha te magnahagheni mana.

Levitikas 22:29

“Kate fafara ghotilo te mala tegio ka iara Lord na, ghotilo mala eni igne ka puhi te doglo mala tangomana iara te gleꞌa tagna na.

Levitikas 22:23

Jame kaisei mae magnahaghei fafara glepo tautagu nu thinigna na theome karha keligna, ba katha glepo goigoni thinigna na, nabagna na fafara igne eni leghuni unha te magnahagheni mana na. Nu theome naba te fafara malagna nhaꞌa cheke na nafnata glepo tautagu igne naugna iara theome gleꞌani nafnata glepo tautagu igne.

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Proveb 7:14

“Kheraguo, ginei na iara neke eni kaisei fafara ka God, eghume kmana gano au ka suga na.