Levitikas 7:13 - Buka Blahi Ka Cheke Holo

¹³ Eghuteuna keha na teuna, mana jaola tusu lao keha bret te tetego balu isi.

Levitikas 7:13 ပူးပေါင်းရင်းမြစ်များ

Profet Emos 4:5

Ghotilo hata mei koba bret te gahu balu isi mala cheke fakelidi ka iara. Ghotilo fahaehaghe ghami fara kate hata kmana glepo te mei te mala cheke fakelidi ka iara re. Puhi igre te thofno magnahaghedi ghotilore.” Igne chekegna Lord.

Levitikas 23:17

Ghotilo te gnafa funu aheva te au ghotilo, hata mei phei bret, mala pala mei pris ke ulugu iara jateula kaisei fafara eghu ka iara. Phei bret igre, ghotilo mala edi ka fati kilo flaoa, eghuteuna keha isi. Igne nogu fafara iara funudi ka gano saro ulu ka nagare ghotilo ra.

Ululahu Timoti 4:4

Glepo te gnafa teke vuavuha God igre thofno keli fara, theo kaisei glepo te diꞌa na. Naugna God neke fablahidi gano igre ka nogna cheke thegna nei tahati jaola taraidi. Eghume kate imadi glepo igre tahati tangomana kilo fafnaknoni God.

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Levitikas 2:12

Leuleghu finogha, kate atha mei ghotilo ka iara gano saro ulu ka nomi nagare ghotilo re, ghotilo tangomana te lilisei isi ba jurukuli tagna, nu ghotilo theome tangomana te gahu isi ba jurukuli ke kligna olta te mala kelitagu iara ka sisirigna na.

Levitikas 23:18

Eghuteuna ghotilo mala kafe hata fitu sua sipu nalhaꞌudi te thokeni kaisei finogha, nei kaisei sua buluka nalhaꞌugna, nei phei sipu nalhaꞌudi, te theo kaisei thona ka thinidire. Glepo tautagu igre mala eni fafara te thofno krono fara mala kilo fnakno ghau iara Lord. Ghotilo mala eni fafara igne balu famane flaoa nei fafara mala tofa waen rhegna olta. Pris mala gahu fafara igre mala eni kaisei glepo blahi sirigna na Lord kelitagna.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.