Levitikas 7:12 - Buka Blahi Ka Cheke Holo

¹² “Jame ihei te eni fafara igne te mala tegio ka iara na, mana atha thilo nafnata bret te theo kaisei isi gna. Nafnata bret ulu lahu na au flaoa te ngigno balu oliv oel. Fapea nafnata na jateula bisket te ghiha oliv oel tagna ra eghu. Eghuteuna fatilo nafnata na bret te eni mana ka flaoa famane wit.

Levitikas 7:12 ပူးပေါင်းရင်းမြစ်များ

Naba 6:15

Mana jaola mala fafara mei kaisei kharaꞌo balu thilo nafnata bret te theo isi. Ululahu bret na te edi koba ghotilo leghu fata are. Fapea bret na te ngingo ghotilo balu oliv oel ame beka nga teu are. Eghuteuna fatilo bret na te kuki muita ame ke ghiha oel nga ghotilo teu ia. Eghuteuna mana jaola mala fafara mei keha wit nei waen te famanedi are.

Levitikas 2:4

“Jame kaisei mae ka ghotilo magnahaghei te atha te mei ka iara bret teke tetego na, bret igne blahi te lilisei isi tagna na. Mana atha famane flaoa ngigno balu oliv oel mala tetego bret, ba ei bisket te ghiha oliv oel tagna.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Luku 17:18

Ba, ne faꞌunha si mae te theome mae Jiu igne ngala teke pulo mei teke kilo fnaknoni God gnea?”

Luku 17:16

Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Nodi Khoje Hatimare Mae Jiu 116:17

Iara ginauna fafara mala tegio ka iagho. Uve, iara ginauna tarai ka iagho mala tegio nigho.

Nodi Khoje Hatimare Mae Jiu 107:8

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Nehemaea 12:43

Ka narane igne, ghehati neke edi kmana fafara, eghuteuna ghehati te gnafa na thofno glealeꞌa fara, naugna God neke faglealeꞌa ghami ghehati. Goro gaꞌase nei goro sua teure jaola ne glealeꞌa, eghuteuna ghehati te gnafa na glealeꞌa ne uareghe tongana, iheire te au teu deleire tangomana te nomhi ghami ghehati na.

Fapea Kronikols 33:16

Mana jaola neke babana fapulo nogna olta Lord te mala gahu fafara te mala laseni mare te au fakeli balugna Lord, nei mala tegioni mana. Aonu mana ne cheke ka naiknodi Juda mala tufru soruni kolho Lord nodi God mae Israel.

Fapea Kronikols 29:31

King Hesekaea ne cheke eghu ka mare, “Gognarona ghotilo fablahi ghami themi ka Lord. Eghume ghotilo hata mei ka Sugablahi gne fafara ra mala tegio ka mana.” Eghuteuna naikno te gnafa igre ne leghuni cheke igne, aonu mare hata ne mei nodi sipu nei nanigot nei buluka teure, nei keha glepo langau eghu mala tusu lao ka God. Keha naiknore glealeꞌa fara ne hata ne mei fafara te thofno krono fara re.

Levitikas 22:29

“Kate fafara ghotilo te mala tegio ka iara Lord na, ghotilo mala eni igne ka puhi te doglo mala tangomana iara te gleꞌa tagna na.

Levitikas 7:15

Mae ihei te eni fafara igne mana tangomana te ghamu nafnahigna na, eghuteuna mana mala ghamu fahui nafnahi igne ka narane tuanala. Mana theome tangomana te tathaji kaisei nafnahi te ghilei hamerane na.

Levitikas 6:16

Aonu keha vido flaoa te au teu igne maladi mae pris, mala tangomana mare te ei bisket tagna na, nu blahi te nhaꞌa lao isi tagna na. Eghuteuna mare ghamu bisket igne ka glalabagna Suga Tapuale te Blahi na, naugna vido igne blahi. Gano te tusu lao iara ka mare igne kaisei glepo blahi, blahi fara jateula fafara te mala doglo naikno na ka tathagu iara na igne eghu, nei fafara mala poloru.

Levitikas 2:5

Jame kaisei mae ka ghotilo magnahaghei te atha te mei ka iara flaoa teke gahu ka fraepan, mana ngigno famane flaoa te theo isi tagna na balu oliv oel.

Profet Emos 4:5

Ghotilo hata mei koba bret te gahu balu isi mala cheke fakelidi ka iara. Ghotilo fahaehaghe ghami fara kate hata kmana glepo te mei te mala cheke fakelidi ka iara re. Puhi igre te thofno magnahaghedi ghotilore.” Igne chekegna Lord.