Levitikas 6:27 - Buka Blahi Ka Cheke Holo

²⁷ Kaisei naikno ba kaisei glepo te tafini nafnahi teke fafara tuana, mana ginauna jaola blahi. Eghuteuna jame dadaragna fafara igne au ka nogna pohe kaisei naikno, mana titihi pohe igne ka vido blahi tuana kolho.

Levitikas 6:27 ပူးပေါင်းရင်းမြစ်များ

Eksodas 29:37

Iagho eni igne ka olta na nabagna fitu narane, eghuteuna olta igne ginau na thofno blahi fara. Eghuteuna jame te lao kaisei naikno ba kaisei glepo te habo ka olta igne na ginau na jaola blahi.”

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Matiu 9:21

Naꞌa neke eni igne naugna naꞌa ne cheke eghu kau gaoghathogna na, “Jame haboni kolho iara nogna pohe mae Jisas na, iara ginauna tangomana teke keli fapulo na.”

Profet Hagae 2:12

Iagho ginau ghusna eghu ka mare: Jame kaisei mae atha nafnahi teke fablahi igne ka nogna pohe na, eghuteuna pohe tuana ghigri ka kaisei bret, ba susupu, ba waen, ba oel, ba ka keha gano are, ba glepo tuare ginauna jaola blahi?’ ” Aonu mae pris rere ne cheke tughu eghu ka mana, “Theo!”

Levitikas 11:32

Eghuteuna jame kaisei ka glepo te tautagu igre lehe eghuteuna khoko soru ka kaisei glepo, neuba glepo igne ne khoko soru ke kligna kaisei vido thaba, ba ka pohe, ba ka guli glepo te tautagu, ba ka baeg, glepo igne theome klino ka tathagu iara na. Neuba ghotilo ne eni glepo igne ka unha nafnata gloku, ghotilo mala lilisei lamna khoꞌu, ginauna na theome klino ghilei rafi, nu ke leghu na nake klino fapulo.

Levitikas 6:18

Ihei ka tharaknagna mae Eron igne mare tangomana te ghamu vido gano igne naugna vidodi mare fabrahu. Gano igne blahi fara, eghume ihei te haboni na blahi ginauna mei ka mana.”

Eksodas 30:29

Iagho ginauna fablahi glepo igre mala thofno blahi fara. Ke leghugna igne, ihei ba unha te habodi glepo igre ginauna jaola blahi.

Matiu 14:36

Mare toreni mae Jisas mala snakredi mala habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.

Levitikas 7:19

“Jame nafnahi gna fafara igne tafini kaisei glepo te theome gae ka tathagu iara na, mare mala thofno gnubra ka khaꞌaghi. Nu keha nafnahigna fafara igne, mae iheire te klino ka tathagu iara na mae igre tangomana te ghamu na.

Profet Esikiel 44:19

Eghuteuna kate jifla mare ka glalaba biꞌo kosi ka vido aheva te au teu naiknore tagna na, mare mala hata koko pohe teke fahaghe mare ka nogu Sugablahi iara na mala lilisei fakeli lamna ka chogho blahi igre eghuteuna mare ke fahaghe nodi pohe thedi re mala jifla kosi. Naugna naiknore theome tangomana te habo ka glepo te blahi na.