Levitikas 6:19 - Buka Blahi Ka Cheke Holo

¹⁹ Lord ne cheke eghu ka mae Moses,

Levitikas 6:19 ပူးပေါင်းရင်းမြစ်များ

Eksodas 29:2

Eghuteuna iagho atha flaoa teke horo mare ka famane wit mala edi thilo nafnata bret te theo isi tagna. Kaisei nafnata na iagho tetego jateula te edi ghotilo ra eghu. Keha nafnata na, iagho mala nhaꞌa lao oliv oel tagna ame tetego nga teu ghotilo ra. Eghuteuna fatilo nafnata na, iagho mala edi keha bisket, eghuteuna ke leghu kate muitahi reꞌe na, iagho ghiha oel tadi.

Levitikas 6:18

Ihei ka tharaknagna mae Eron igne mare tangomana te ghamu vido gano igne naugna vidodi mare fabrahu. Gano igne blahi fara, eghume ihei te haboni na blahi ginauna mei ka mana.”

Levitikas 6:20

“Igne flaoa teke eni ka famane wit teke tusu lao mae Eron ba kaisei thugna ke leghugna mana re mala atha mei ka iara Lord funu ka narane teke taofi pris gna mana na. Leghu narane na mana atha kaisei kilo famane flaoa eghuteuna fofota ka phei vido. Kaisei vido malagna hamerane eghuteuna keha vido na malagna grafi.

Levitikas 6:9

“Cheke ka mae Eron baludi thugna mana ra cheke igne: Igne vetula gna fafara te thofno krono na. Fafara te thofno krono igne te mala atha te mei ghotilo leuleghu rafi na, fafara igne mala au ke kligna olta ghilei hamerane, eghuteuna mae pris mala reireghi khaꞌaghi gna olta na mala dudulu fabrahu bongi thongana na.

Levitikas 10:18

Theo kaisei naikno teke atha dadaragna fafara igne te tei ruma lamna ka Chogho Blahi na, eghume nafnata fafara te ghamu ghotilo nafnahigna ka vido blahi aheva te nabagna, jateula te chekeni iara ia eghu. Nu neuba, ghotilo la thofno gnubrahi.”

Naba 18:9

Glepo te blahi teke theome gahu ghotilo ka olta na are, nomi ghotilo. Neuba neke fafara ka flaoa, ba fafara mala ke doglo kaisei mae ka tathagu iara na, ba kaisei fafara eigna poloru, keha vidodi glepo blahi teke theome gahu te knoro re nomi ghotilo.

Naba 18:27

Eghuteuna ka tathagu iara na, fafara igne jateula gano saro ulu nei saro ulu fuꞌa grep te hata mei ka nagare ra eghu.

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.