Levitikas 6:14 - Buka Blahi Ka Cheke Holo

^14-15 Lord ne cheke eghu ka mae Moses, “Igne vetula eidi flaoa te edi ka famane wit. Mae pris thugna mae Eron igre mala atha fajifla keha famane flaoa ka khamegna na eghuteuna ngigno balu oliv oel nei insens, eghuteuna pala mei ke ulu olta mala tusu mei ka iara. Aonu mana ginauna gnubra ke kligna olta mala laseni mae igne te tusu mei ka iara na, eghuteuna sisirigna glepo blahi igne iara Lord keli taguni fara.

Levitikas 6:14 ပူးပေါင်းရင်းမြစ်များ

Naba 15:4

Eghuteuna ihei te atha kaisei sipu ikoni mala fafara na, mana ginauna atha kaisei kilo flaoa gna wit te famane are eghuteuna ngingo balugna kaisei lita oliv oel, naugna tuana fafara eidi gano ka thobi re, eghuteuna mana jaola mala fafara mei kaisei lita waen mala tofa ka olta.

Jone 6:32

Mae Jisas ne cheke eghu ka mare, “Tutuani fara te chekeni iara ka ghotilo na. Mae Moses neke theome tusu ranghidi mae ku'emi ghotilo ra gano gna kligna na. Nu mae Kmagu iara na neke tusu ranghi ghami ghotilo u thofno gano teke mei funugna kligna na.

Naba 15:9

uve, mana ginauna atha thilo kilo flaoa gna wit te famane te ngingo mana balu phei lita oliv oel naugna tuana fafara eidi gano ka thobi re.

Naba 15:6

“ ‘Eghuteuna ihei te atha mei kaisei sipu nalhaꞌu gna mala eni fafara na, mana ginauna atha phei kilo flaoa gna wit te famane te ngingo mana balugna kaisei vido lita oliv oel, naugna tuana fafara eidi gano ka thobi re,

Levitikas 6:13

Khaꞌaghi ka olta na igne theome mala lehe, nu mala dudulu fabrahu kolho.”

Levitikas 10:12

Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.

Levitikas 1:17

Eghuteuna mana loku ka phei baghigna re, eghuteuna korho mala klopa kakatha thinigna na, eghuteuna mana gahu ka khaꞌaghi ke kligna olta. Mana gahu balhu igne mala kaisei glepo blahi, eghuteuna sisirigna na kelitagnani Lord.”

Ululahu Kronikols 9:31

Kaisei mae Livaet nanghagna na mae Matitaea, mana gahu bret blahi mala tusu lao ka Lord. Mae Matitaea gne neke thugna ululahu mae Salum ka vikegna mae Kora.