Levitikas 6:1 - Buka Blahi Ka Cheke Holo

^1-3 Aonu Lord ne cheke eghu ka mae Moses, “Jame kaisei mae chaghi eigna glepo teke tusu lao keha mae na ka mana mala reireghi mana tekuna, ba mana blau nogna ihei, ba chaghini ihei, ba mana deni nogna glepo keha mae na nu mana chaghi tathaji glepo igne. Jame te edi mana thua nafnata phoge igre, ba mana nhaꞌa cheke eidi thua nafnata phoge igre nu mana chaghi kolho, mae tuana huhughuni nogu vetula iara na eghuteuna mana tapla jafra ka nakhibo,

Levitikas 6:1 ပူးပေါင်းရင်းမြစ်များ

Eksodas 22:7

“Jame kaisei mae tusu lao ka mae kheragna fofodu na keha sileni mala reireghi fakelidiu mana, aonu kaisei mae nablau mei me blau sileni tuare, eghuteuna mare laseni mae teke blau tuana, eghuteuna mare lolhoku mae tuana, mae teke blau tuana mala ke tughu fapulo phei phei eghu ka sileni teke blau mana re.

Levitikas 5:19

Igne fafara te mala poloru ranghi ni mae ihei te nabagna te mala papara eigna najafra teke eni mana ranghi ghau iara Lord.”

Levitikas 19:21

Mae ihei teke eni puhi diꞌa ka gaꞌase sneka igne mana mala hata mei kaisei sipu nalhaꞌugna ka grengatha gna Suga Tapuale te Blahi na, mala eni kaisei fafara poloru.

Eksodas 20:15

“Thosei blau.

Eksodas 22:1

Lord ne cheke eghu, “Jame kaisei mae blau kaisei buluka mala falelehe ghu mala foli ghu eghu, mae igne ke falao glima buluka ka mae khotogna na, ke tughugna buluka teke blau mana tuana. Jame kaisei mae blau kaisei sipu, mala falelehe ghu mala foli ghu eghu, mae igne ke falao fati sipu ka mae khotogna na, ke tughugna sipu tuana.

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”