Levitikas 5:9 - Buka Blahi Ka Cheke Holo

⁹ aonu mana atha keha dadara mala fuafusa ka gerigna olta na, eghuteuna vido dadara te au teuna, mana mala faꞌoro soru ka pesigna olta na. Igne fafara te mala doglo mana ka tathagu iara na.

Levitikas 5:9 ပူးပေါင်းရင်းမြစ်များ

Levitikas 4:34

Aonu pris ginauna tihi lao geghesu gna na ka dadara igne eghuteuna ghiha ka fati honagna olta na. Eghuteuna mana totofa keha vido dadara na ka pesigna olta na.

Levitikas 4:30

Aonu pris tihi lao geghesugna na ka dadara igne eghuteuna ghiha ka fati honagna olta na. Eghuteuna mana totofa keha vido dadara ka pesigna olta na.

Levitikas 4:18

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.

Levitikas 4:7

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.

Levitikas 4:25

Aonu mae pris ginauna tihi lao geghesugna na ka dadara igne eghuteuna ghiha ka fati honagna olta na. Eghuteuna mana totofa vido dadara igne ka pesigna olta na.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.

Levitikas 7:2

Phile ke raru olta ka vido mala aknu falehe glepo tautagu gna fafara te thono krono igne, tuana vido mala aknu falehe glepo tautagu igne mala fafara mala poloru. Eghuteuna mare mala totofa dadaragna na ka fati philegna olta na.

Levitikas 1:15

Mae pris ginauna atha mei nanghaji igne ka olta na, eghuteuna pala mei ke ulugu iara mala pipiruki graragna na mala lehe naꞌa, eghuteuna kusu koko phaꞌugna nanghaji igne ke kligna olta. Nu mana kulu totofa dadaragna nanghaji igne ka gerigna olta na.