Levitikas 5:7 - Buka Blahi Ka Cheke Holo

⁷ “Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 5:7 ပူးပေါင်းရင်းမြစ်များ

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Matiu 3:16

Ke leghugna te apublahi na, mae Jisas ne daka mata kau khoꞌu na. Ka vido tuanala, maloa na ne thora ranghini mana, eghuteuna mana ne filoni Tharungagna God na ne soru mei jateula kaisei balhu neu ne thoti ke kligna gna mana.

Levitikas 14:31

Kaisei na mala ei fafara mala ke doglo mana ka tathagu iara na, eghuteuna keha na mala fafara eigna te mala thofno krono na. Eghuteuna mana mala gahu fapea balhu na kligna olta na fodu balugna fafara flaoa ka famane wit. Ka puhi igne, mana eni mae tuana mala klino ka tathagu iara na.

Luku 2:24

Josep ghe Meri jaola ne tei mala fafara jateula te eghu ka nogna vetula God na, “Ghotilo hata mei phei balhu ba phei thukmu.”

Levitikas 16:5

Naikno te gnafa Israel igre mala hata mei phei nanigot nalhaꞌudi nei kaisei sipu nalhaꞌugna eghu ka pris biꞌo mala fafara phei nanigot igre mala ke doglo ghotilo gnafa ka tathagu iara na, eghuteuna sipu nalhaꞌugna igne malagna fafara te thofno krono na.

Levitikas 15:30

Eghuteuna pris ginauna aknu falehe kaisei mala fafara mala ke doglo ka tathagu iara na, eghuteuna mana mala ke aknu falehe keha na malagna fafara te thofno krono na. Ka puhi igne, gaꞌase tuana ginauna tangomana na teke klino ka tathagu iara na.

Levitikas 9:3

Eghuteuna iagho mala cheke ka naiknodi Israel mala atha mei kaisei nanigot mala fafara mala doglo mare ka tathagna Lord. Eghuteuna cheke ka mare mala atha mei kaisei buluka majaghani nalhaꞌugna balugna kaisei sipu majaghani nalhaꞌugna mala fafara te thofno krono fara. Repa kafe kaisei finogha, eghuteuna repa mala theo kaisei thona ka thinidi re.

Levitikas 5:11

“Nu jame mana kuma fara, eghuteuna mana theome tangomana te atha te mei phei balhu ba phei sua thukmu, te eghuna mana tangomana te atha kaisei kilo ka famane flaoa mala fafara. Nu blahi te mala tofa oliv oel tagna na ba lilisei insens balugna naugna igne kaisei fafara mala ke doglo mana ka tathagu iara na.

Matiu 21:12

Mae Jisas ne tei ruma ka glalabagna Sugablahi na ne filodi naikno te foifoli ka vido tuana. Aonu, mana brue fajifladi ne gnafa naikno te foifoli nei sabiri teu jare igre. Mana fapogru nodi tevo mae te tutughu sileni te mala foli takis gna Sugablahi na nei nodi mala gnokro mae te sabiri balhu te mala fafara re.

Levitikas 7:1

Lord ne cheke eghu, “Igne vetula eigna fafara te mala poloru na: Nafnahigna fafara igne blahi fara.

Levitikas 12:6

“Jame gaꞌase na karha kaisei thugna eghuteuna kate theome klino naꞌa ka tathagu iara na, naꞌa atha mei kaisei sipu ikoi te kaisei finoghagna, eghuteuna tusu lao ka pris ka grengathagna Suga tapuale te Blahi na. Sipu ikoi igne mala fafara te thono krono fara. Eghuteuna naꞌa mala atha mei kaisei thukmu majaghani ba kaisei balhu mala fafara mala doglo thegna ka tathagu iara na.

Levitikas 14:30

Aonu mana mala fafara mei ka iara phei balhu ba phei thukmu majaghani naba unha mana tangomana te foli.

Naba 5:6

“Cheke ka naiknodi Israel are, ne eni fadiꞌa nga mae nalhaꞌu ba gaꞌase gre kaisei glepo ranghini keha naikno na nu, mana eni nakhibo biꞌo fara ke ulugu iara.

Naba 6:10

Ka fa nhana narane na, mana ginauna atha mei phei balhu nei phei khoio ka mae pris ka grengatha gna Suga Thapuale te blahi igne.

Naba 6:11

Aonu mae pris ginauna atha kaisei balhu mala fafara mala ke klino mae tuana ka tathagu iara na, eghuteuna ke atha keha na mala fafara gahu te knoro ia eghu. Mae pris ginauna edi glepo tugre mala ke klino mae Nasaraet gne ka tathagu iara na, naugna diꞌa fara te tei mare rhedi naikno te lehe re. Aonu ka narane tuana la, mana ginau ke fabrahu khaklagna re mala ke klino mana ka tathagu iara na.

Levitikas 27:8

Jame kaisei naikno kuma fara te nabagna te foli praes igne te mala snagla na, mare ginauna hatani mana mei ka pris, eghuteuna pris ginauna fapari praes naba unha tangomana mana te foli na.