Levitikas 5:2 - Buka Blahi Ka Cheke Holo

² “Jame kaisei mae tafini thinigna glepo tautagu tela lehehi te theome gae ka tathagu iara na, nu theome laseni teuna, igne te fathonani mana ka tathagu iara na eghuteuna mana nabagna te papara eigna na.

Levitikas 5:2 ပူးပေါင်းရင်းမြစ်များ

Levitikas 5:17

“Jame kaisei mae tapla najafra ka nakhibo eni unha te theome snakreni ka nogu vetula iara Lord, neuba mana neke theome kulu laseni, mana nabagna te papara eigna igne.

Diutronomi 14:8

Eghuteuna ghotilo thosei ghamu bosu, eigna bosu na thona ka tathagna Lord na. Neubane fnota thatablagna ka phei vido, bosu na theome ghamu buburu jateula buluka eghu. Ghotilo thosei ghamu nafnahidi nafnata glepo te tautagu igre ba habodi thinidi te lehe re.

Profet Hagae 2:13

Mae Hagae neke fapea ghusna eghu ka mare, “Jame kaisei mae habo ka thinigna mae te lehehi na, eghuteuna habo ka kaisei gano, ba gano igne na theome klino ka tathagna God na?” Mae pris igre ne cheke eghu ka mana, “Uve, theome klino!”

Levitikas 11:11

Nafnata glepo igre thono theome keli nei theome klino eghu ka tathagu iara Lord na, eghuteuna ghotilo thosei habo ka thinidi tela lehehi re.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Luku 11:44

“Puhi biꞌo ka ghotilo, mae Farasi ra! Naugna ghotilo jateula beku te theome fagaglana te theome laseni te tathapla naikno ra eghu.”

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Levitikas 7:21

Jame kaisei mae ka ghotilo haboni kaisei glepo te theome klino ka tathagu iara na, neuba mana ne haboni glepo tautagu ba glepo te jifla mei ka thinigna nalhaꞌu ba gaꞌase, eghuteuna ke leghu mana ghamu nafnahigna fafara igne, te eghuna, ghotilo faꞌau kosini mana ka naiknodi Israel.”

Levitikas 5:4

Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Levitikas 5:3

Jame kaisei mae haboni kaisei nafnata glepo gna nalhaꞌu ba gaꞌase te theome gae ka tathagu iara na, nu theome laseni mana teuna, kate laseni mana na nabagna te papara eigna.

Levitikas 11:8

Ghotilo thosei ghamu nafnahidi re, eghuteuna jame te lehe reꞌe na, ghotilo jaola thosei habo tadi. Glepo tautagu igre theome klino ka tathagu iara na.

Naba 19:22

Eghuteuna keha glepo teke habo mae te theome klino igne na, glepo tuare jaola theome gae, eghuteuna mae ihei teke habo ka glepo tuare, mare jaola theome klino ghilei rafi.”