Levitikas 5:17 - Buka Blahi Ka Cheke Holo

¹⁷ “Jame kaisei mae tapla najafra ka nakhibo eni unha te theome snakreni ka nogu vetula iara Lord, neuba mana neke theome kulu laseni, mana nabagna te papara eigna igne.

Levitikas 5:17 ပူးပေါင်းရင်းမြစ်များ

Levitikas 4:27

“Jame kaisei naikno huhughu ni nogu vetula iara na nu mana theome laseni te jafra na, glepo igne fathona ni mana ka tathagu iara na.

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Levitikas 4:22

“Jame kaisei mae lida huhughuni kaisei nogu vetula iara, nu mana theome laseni ne jafra teuna, glepo igne fathona ni mana ka tathagu iara na.

Luku 12:48

Nu mae gloku te theome laseni unha te magnahagheni mae funei na nei edi glepo te theome magnahaghedi mana re teuna, mae funei na ginauna theome raꞌe parani fara mana. Naugna mae ihei teke tusu lao God ranghini mana kmana glepo te mala reireghi na, God ginauna magnahagheni mana te mala edi keha glepo ke biꞌodi igrei. Eghuteuna mae ihei teke tusu lao God ranghini kmana gloku na, God ginauna magnahagheni mae tuana mala ke edi keha gloku langau.”

Letas Teke Riso Tei Mae Pol Ka Khiloau Rom 14:23

Nu ihei te ghatho peapea eigna gano te ima mana na, mana jafra fara, naugna mana neke theome fatutuani ne doglo teuna. Eigna te theome raꞌe fatutuani ghotilo unha te eni te doglo ke ulugna God ba te theo na, tuana kaisei nakhibo ngala.

Levitikas 5:18

Kate laseni mana nogna najafra na, mana atha mei ka mae pris kaisei sipu nalhaꞌugna te theo kaisei thona ka thinigna na, eghuteuna praes gna sipu igne nabagna fafara mala poloru. Ka puhi igne, mae pris igne ginauna fafara mala atha koko nakhibo teke theome laseni teke eni mae igne. Eghuteuna iara ginauna atha koko nakhibogna mae igne.

Levitikas 5:19

Igne fafara te mala poloru ranghi ni mae ihei te nabagna te mala papara eigna najafra teke eni mana ranghi ghau iara Lord.”