Levitikas 5:16 - Buka Blahi Ka Cheke Holo

¹⁶ Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Levitikas 5:16 ပူးပေါင်းရင်းမြစ်များ

Naba 5:7

Eghuteuna ne au nakhibo nga mana nu, mana ke cheke fajifla nakhibognare nei ke poloru eghu: Nu jame blau kaisei gobi glepo ka kaisei mae, mana ke foli fapulo kaisei gobi, eghuteuna ke leghugna igne mana ke nhaꞌa lao varadaki glepo ka kaisei gobi teke blau mana re.

Levitikas 22:14

“Eghuteuna jame ihei te ghamu katha vido ka gano blahi igne, nu theome laseni kolho unha te eni mana na teuna, mana ke foli ka pris unha teke ghamu mana na, eghuteuna ke nhaꞌa lao kaisei ke klignadi glima vido gano teke ghamu mana tuana.

Levitikas 27:31

Nu jame kaisei naikno magnahaghei te foli fapulo kaisei glepo ka kaisei ka fabotho igne, mana ginauna mala foli ka thofno praes gna na, eghuteuna ke nhaꞌa lao kaisei ke klignadi glima sileni ka praes igne.

Levitikas 27:27

Nu jame glepo tautagu igre theome klino ka tathagu iara na eghuteuna theome naba te mala fafara na, naiknore tangomana te foli fapulo ka praes thongana igne, eghuteuna ke nhaꞌa lao kaisei ke klignadi glima sileni ka praes igne. Nu jame te theome magnahagheni mana te foli fapulo ka iara na, hatimare mae pris tangomana te sabiri fajifla ka keha mae na ka praes thongana igne.

Levitikas 27:15

Jame mae tuana magnahaghei teke foli fapulo suga igne, mana mala foli ka praes teke lilisei mae pris, ke nhaꞌa lao kaisei ke klignadi glima sileni ka praes igne. Eghuteuna suga igne mala ke nogna mana fapulo.

Levitikas 27:13

Jame mae tuana magnahaghei te foli fapulo glepo tautagu tuana, mana mala foli ka praes teke lilisei pris na, ke nhaꞌa lao kaisei ke klignadi glima sileni ka praes igne.

Levitikas 5:10

Eghuteuna mae pris ginauna atha keha nanghaji na mala gahu fafara leghuni unha te chekeni ka vetula na. Ka puhi igne, mae pris tangomana te fafara te mala atha koko nakhibo gna mae igne eghuteuna iara ginauna atha fadelei nakhibogna mana na.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Nodi Khoje Hatimare Mae Jiu 69:4

Naikno te tirodi ghau iara gre la thono kmana fara, mare kmana fara uludi khakla ka phaꞌugu iara na. Nogu naoka iara gre mare toutonu chaghi eigu iara. Mare thono nheta fara nei magnahaghei falehe ghau iara. Mare huhuru ghau iara mala ke tusu fapulo glepo teke theome blau iara re.

Levitikas 5:13

Ka puhi igne, mae pris tangomana te fafara mala atha koko thua nakhibo teke edi mae igne, eghuteuna iara ginauna atha fadelei nakhibogna mana re. Keha vido flaoa te au teuna ghegna mae pris jateula flaoa teke atha teke mei teke eni ka famane wit.”

Levitikas 5:6

Eghuteuna te mala fadoglini glepo igne, mana atha kaisei sipu gaꞌasegna ba kaisei nanigot gaꞌasegna, mala fafara mei ka iara Lord, eghuteuna mae pris tangomana te fafara mala doglo mana ka tathagu iara na.

Levitikas 4:26

Eghuteuna mana gahu fahui garofagna re ka olta na jateula teke gahu mare fafara tuana te mala laseni te au fakeli balugu iara na. Ka puhi tuana, pris tangomana te fafara te mala doglo mae lida igne ka tathagu iara na, eghuteuna iara ginauna atha fadeleidi nakhibogna mana re.”

Eksodas 22:1

Lord ne cheke eghu, “Jame kaisei mae blau kaisei buluka mala falelehe ghu mala foli ghu eghu, mae igne ke falao glima buluka ka mae khotogna na, ke tughugna buluka teke blau mana tuana. Jame kaisei mae blau kaisei sipu, mala falelehe ghu mala foli ghu eghu, mae igne ke falao fati sipu ka mae khotogna na, ke tughugna sipu tuana.

Levitikas 7:2

Phile ke raru olta ka vido mala aknu falehe glepo tautagu gna fafara te thono krono igne, tuana vido mala aknu falehe glepo tautagu igne mala fafara mala poloru. Eghuteuna mare mala totofa dadaragna na ka fati philegna olta na.

Naba 5:8

Te lehe mae teke khotogna glepo igne, nu theo kaisei ka mae thabusigna, nei kmagna teu te mala folidi poloru igre, poloru tuare mala famei ka iara Lord mala nodi mae pris. Eghuteuna mae ihei nga ne au nakhibo nu, mana jaola falao kaisei sipu nalhaꞌu gna ka mae pris mala fafara mala atha koko nakhibogna mana re.

Ululahu Samuel 6:3

Aonu mae pris nei mae kastom teu igre ne cheke eghu, “Jame teke hata fapulo tahati Bokis Blahi igne na, tahati na fatei kaisei namha balugna, eghume tahati na poloru ka nodi God mae Israel igne. Theome tangomana te fiti hata fapulo kolho tahati na, tahati mala fatei kaisei glepo balugna, eghuteuna tahati ginauna tangomana na teke keli fapulo na. Eghuteuna tahati ginauna na lasenila naugna unha neku neke goigoni ghita nga teuna.”

Levitikas 4:20

Mana eni ka buluka nalhaꞌugna igne jateula teke eni mana ka buluka nalhaꞌugna teke fafara te mala doglo thegna ka tathagu iara Lord na ia eghu. Ka puhi igne mae pris atha fadelei nakhibomi ghotilo re, eghuteuna iara ginauna jaola tangomana te atha fadeleidi nakhibomi ghotilo re.