Levitikas 5:11 - Buka Blahi Ka Cheke Holo

¹¹ “Nu jame mana kuma fara, eghuteuna mana theome tangomana te atha te mei phei balhu ba phei sua thukmu, te eghuna mana tangomana te atha kaisei kilo ka famane flaoa mala fafara. Nu blahi te mala tofa oliv oel tagna na ba lilisei insens balugna naugna igne kaisei fafara mala ke doglo mana ka tathagu iara na.

Levitikas 5:11 ပူးပေါင်းရင်းမြစ်များ

Naba 5:15

Ne thoke mei nga nafnata puhi tugre nu, mana ginauna tathaleini tei khetogna na ka mae pris mala fadoglini puhi tuana eghu. Eghuteuna atha kaisei kilo flaoa te eni mare ka bali re mala fafara mei ka iara jateula te chekedi ka vetula ra eghu. Nu thosei tofa lao oliv oel ka flaoa te mala eni bret na, eghuteuna thosei lisei lao insens tagna. Naugna flaoa tuana mala fafara eigna te goghotu mana na, nei mala hironi te tutuani ba theome tuani ghu eigna puhi tuana.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Levitikas 5:12

Mana mala atha mei flaoa igne ka mae pris, eghuteuna mae pris na aghu haghe katha ka khamegna na eghuteuna gahu vido flaoa igne ke kligna olta ke klignadi glepo blahi teke atha teke mei ka Lord. Mana eni igne mala laseni mae igne atha mei flaoa igre ka iara. Igne fafara te mala doglo mana ka tathagu iara na.

Levitikas 5:9

aonu mana atha keha dadara mala fuafusa ka gerigna olta na, eghuteuna vido dadara te au teuna, mana mala faꞌoro soru ka pesigna olta na. Igne fafara te mala doglo mana ka tathagu iara na.

Levitikas 5:6

Eghuteuna te mala fadoglini glepo igne, mana atha kaisei sipu gaꞌasegna ba kaisei nanigot gaꞌasegna, mala fafara mei ka iara Lord, eghuteuna mae pris tangomana te fafara mala doglo mana ka tathagu iara na.

Eksodas 16:18

Nu kate fananaba mare gano teke salo naiknore, mare ne laseni te iheire teke salo fakmana re ne theome raꞌe kmana ne salaꞌui, eghuteuna iheire teke theome salo fakmana re ne theome ari ne kmoꞌe neu ka gano na. Mare te gnafa ne ima ne boho, ne theo kaisei naikno te glehe rofo na.

Luku 2:24

Josep ghe Meri jaola ne tei mala fafara jateula te eghu ka nogna vetula God na, “Ghotilo hata mei phei balhu ba phei thukmu.”

Hibru 9:22

Tuani fara, te mala leghuni vetula na, teke fuafusa mare dadara na thogra glepo te gnafare te mala gae ke ulugna God. Te theome thofa dadara na, God ginauna theome atha fadelei nakhibodi naiknore.

Levitikas 1:14

“Jame kaisei mae ka ghotilo magnahaghei te fafara kaisei nanghaji te krono fara, mana mala atha mei kaisei thukmu ba kaisei balhu.

Levitikas 6:20

“Igne flaoa teke eni ka famane wit teke tusu lao mae Eron ba kaisei thugna ke leghugna mana re mala atha mei ka iara Lord funu ka narane teke taofi pris gna mana na. Leghu narane na mana atha kaisei kilo famane flaoa eghuteuna fofota ka phei vido. Kaisei vido malagna hamerane eghuteuna keha vido na malagna grafi.

Levitikas 14:21

“Jame kaisei mae kuma fara, eghuteuna mana theome tangomana te atha te mei thilo sipu te edi fafara igre, mana tangomana te atha kaisei sipu nalhaꞌu gna te ikoi kolho mala eni fafara poloru igne mala klino mana ka tathagu iara na. Pris mala pala haghe sipu igne ka tathagu iara na jateula kaisei fafara eghu ka iara. Eghuteuna mala eni fafara igne ka flaoa ka famane wit, mana mala atha kaisei kilo flaoa te ngigno balu oliv oel, eghuteuna mana mala jaola atha kaisei kapu oliv oel biꞌo.

Levitikas 27:8

Jame kaisei naikno kuma fara te nabagna te foli praes igne te mala snagla na, mare ginauna hatani mana mei ka pris, eghuteuna pris ginauna fapari praes naba unha tangomana mana te foli na.

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”