Levitikas 4:26 - Buka Blahi Ka Cheke Holo

²⁶ Eghuteuna mana gahu fahui garofagna re ka olta na jateula teke gahu mare fafara tuana te mala laseni te au fakeli balugu iara na. Ka puhi tuana, pris tangomana te fafara te mala doglo mae lida igne ka tathagu iara na, eghuteuna iara ginauna atha fadeleidi nakhibogna mana re.”

Levitikas 4:26 ပူးပေါင်းရင်းမြစ်များ

Levitikas 4:20

Mana eni ka buluka nalhaꞌugna igne jateula teke eni mana ka buluka nalhaꞌugna teke fafara te mala doglo thegna ka tathagu iara Lord na ia eghu. Ka puhi igne mae pris atha fadelei nakhibomi ghotilo re, eghuteuna iara ginauna jaola tangomana te atha fadeleidi nakhibomi ghotilo re.

Naba 15:28

Eghuteuna mae pris ginauna tangomana eni fafara mala atha fadelei nakhibogna mana na ke ulugna Lord.

Levitikas 5:10

Eghuteuna mae pris ginauna atha keha nanghaji na mala gahu fafara leghuni unha te chekeni ka vetula na. Ka puhi igne, mae pris tangomana te fafara te mala atha koko nakhibo gna mae igne eghuteuna iara ginauna atha fadelei nakhibogna mana na.

Levitikas 4:35

Mae tuana ginauna atha fadelei garofagna sipu igne, jateula teke atha fadelei mare garofagna sipu na ka fafara tuana mala laseni mare te au fakeli balugu iara na. Aonu pris igne mala gahu garofa igre ke kligna olta, mala kaisei nogu glepo blahi iara Lord. Ka puhi igne, pris tangomana te fafara te mala doglo mae igne ka tathagu iara na, eghuteuna iara ginauna atha fadelei nakhibogna mana re.”

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Levitikas 3:5

Aonu mae pris igne gahu glepo igre ke kligna olta, baludi keha fafara te thofno krono. Igne kaisei glepo blahi te kelitagu iara Lord ka sisirigna na.

Levitikas 6:7

Ka puhi igne, pris ginauna fafara mala atha koko nakhibodi naiknore, eghuteuna iara ginauna atha koko nakhibogna mae igne maladi thua nakhibo teke edi mana te nabagna te mala papara eidi mana re.”

Levitikas 5:18

Kate laseni mana nogna najafra na, mana atha mei ka mae pris kaisei sipu nalhaꞌugna te theo kaisei thona ka thinigna na, eghuteuna praes gna sipu igne nabagna fafara mala poloru. Ka puhi igne, mae pris igne ginauna fafara mala atha koko nakhibo teke theome laseni teke eni mae igne. Eghuteuna iara ginauna atha koko nakhibogna mae igne.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Levitikas 5:13

Ka puhi igne, mae pris tangomana te fafara mala atha koko thua nakhibo teke edi mae igne, eghuteuna iara ginauna atha fadelei nakhibogna mana re. Keha vido flaoa te au teuna ghegna mae pris jateula flaoa teke atha teke mei teke eni ka famane wit.”

Levitikas 4:19

Eghuteuna mana atha garofagna buluka igne mala gnubra ke kligna olta.

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”

Levitikas 14:18

Ke leghu, vido oliv oel salaꞌui teku ka khame gna pris na, mana mala tofa lao ka phaꞌugna mae tuana. Eghume ka puhi igne, mana eni mae tuana mala klino ka tathagu iara na.

Fapea Kronikols 29:24

Mae pris igre ne aknu falehe nanigot igre. Eghuteuna mare ne nhaꞌa lao dadaradi re ke kligna olta. Igne fafara ranghidi naikno te gnafa ka vikegna Israel te mala doglo ka tathagna Lord. Mare eni igne naugna king neke cheke ka mare mala eni fafara te thofno krono fara, eghuteuna mare fafara mala kafe doglo mare ka tathagna Lord.

Levitikas 15:15

Eghuteuna pris aknu falehe kaisei nanghaji mala fafara mala ke doglo mae igne ka tathagu iara na, eghuteuna mana ke aknu falehe keha nanghaji na mala eni fafara te thofno krono na. Ka puhi igne, mae tuana tangomana teke klino ka tathagu iara na.

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Levitikas 19:22

Eghuteuna pris hata sipu igne, mala fafara poloru ka iara Lord mala hata fadelei nakhibo gna mae tuana, eghuteuna iara ginauna hata fadelei nakhibo tuana.

Naba 15:25

Aonu mae pris ginauna tarai nei ghusna ghau iara mala atha koko nakhibomi ghotilo re. Eghuteuna naugna te theome laseni te nakhibo thedire, ghotilo ginauna fafara mei kaisei buluka mala gna fafara te blahi na, eghuteuna jaola ke fafara mei nanigot mala ke doglo ghotilo ka tathagu iara na.

Profet Esikiel 43:22

“Ka keha narane na, iagho mala hata mei kaisei nanigot nalhaꞌugna te theo kaisei thona ka thinigna na, jateu fafara mala doglo naiknore ka tathagu iara na. Eghuteuna iagho lilisei dadaragna na ka olta igne mala klino ka tathagu iara na, jateula teke eni iagho ka buluka nalhaꞌugna ia eghu.