Levitikas 4:23 - Buka Blahi Ka Cheke Holo

²³ Kate laseni mana nakhibogna na, mana atha mei kaisei nanigot nalhaꞌugna te theo kaisei thona ka thinigna na.

Levitikas 4:23 ပူးပေါင်းရင်းမြစ်များ

Levitikas 4:14

Kate lasedi ghotilo nakhibomi re, ghotilo atha mei kaisei sua buluka mala fafara mala doglo ghotilo ka tathagu iara na. Ghotilo atha mei buluka nalhaꞌugna igne ke ulugna Suga Tapuale te Blahi na.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Naba 29:16

Ghotilo jaola mala falehe kaisei nanigot nalhaꞌugna ka fafara na mala ke doglo ghotilo ka tathagu iara na. Neubane edi fabrahu ghotilo fafara te gnafa igre leghu rane, ghotilo mala eni ngala fafara igne.

Naba 29:11

Eghuteuna ghotilo ginau falehe nanigot nalhaꞌugna na ka fafara na mala ke doglo ghotilo tathagu iara na. Neubane eni ghotilo kaisei fafara te nhogri ngau ka nanigot na mala atha koko nakhibomire, nei fafara te edi koba ghotilo leghu rane ra, ghotilo mala eni ngala u fafara eigna narane biꞌo igne.”

Naba 29:5

Eghuteuna ghotilo jaola falehe kaisei nanigot nalhaꞌugna ka fafara na mala atha koko nakhibomire nei ke doglo ghotilo ka tathagu iara na.

Naba 28:30

Eghuteuna ghotilo ginau falehe kaisei nanigot nalhaꞌugna mala fafara mala atha koko nakhibomi ghotilo re.

Naba 15:24

Eghuteuna ne ghatho ihodi ne theome leghudi nga mare kaisei vetula ka igre nu, mare ginauna fafara te gahu te knoro kaisei buluka majaghani te magnahagheni Lord balu flaoa nei waen eghu, eghuteuna mare jaola mala fafara kaisei nanigot nalhaꞌu gna mala atha koko nakhibo.

Levitikas 23:19

Eghuteuna ghotilo fafara mei kaisei nanigot nalhaꞌugna mala ke doglo ghotilo ka tathagu iara na. Eghuteuna ghotilo mala hata phei sipu nalhaꞌudi te thokeni kaisei finogha mala fafara mala laseni ghotilo te au fakeli balugu iara.

Levitikas 9:3

Eghuteuna iagho mala cheke ka naiknodi Israel mala atha mei kaisei nanigot mala fafara mala doglo mare ka tathagna Lord. Eghuteuna cheke ka mare mala atha mei kaisei buluka majaghani nalhaꞌugna balugna kaisei sipu majaghani nalhaꞌugna mala fafara te thofno krono fara. Repa kafe kaisei finogha, eghuteuna repa mala theo kaisei thona ka thinidi re.

Levitikas 5:4

Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.

Levitikas 4:28

Kate laseni mana nakhibogna na, mana mala atha mei kaisei nanigot gaꞌasegna te theo kaisei thona ka thinigna na.

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Levitikas 4:24

Mana habo khamegna na ka phaꞌugna nanigot igne mala laseni te fafara igne nogna mana. Eghuteuna mana aknu falehe nanigot igne ke rarugna olta te mala gahu fafara ka vido te mala aknu falehe glepo te tautagu te mala gahu fakrono mare na. Igne fafara te mala doglo mana ka tathagu iara na.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Nodi Khoje Hatimare Mae Jiu 90:8

Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Profet Esikiel 43:22

“Ka keha narane na, iagho mala hata mei kaisei nanigot nalhaꞌugna te theo kaisei thona ka thinigna na, jateu fafara mala doglo naiknore ka tathagu iara na. Eghuteuna iagho lilisei dadaragna na ka olta igne mala klino ka tathagu iara na, jateula teke eni iagho ka buluka nalhaꞌugna ia eghu.