Levitikas 4:15 - Buka Blahi Ka Cheke Holo

¹⁵ Eghuteuna hatimare mae lida gna namono na habo khamedi re ka phaꞌugna buluka igne, mala laseni te fafara igne nomi ghotilo gnafa, eghuteuna gnafa teuna mare aknu falehe buluka igne ke ulugu iara Lord.

Levitikas 4:15 ပူးပေါင်းရင်းမြစ်များ

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Naba 11:16

Lord ne cheke eghu ka mae Moses, “Iagho na kilo meidi fitusalei mae lidadi Israel are, eghuteuna mare ginauna kegra balumu iagho ke ulugna nogu Suga Thapuale te blahi iara na.

Naba 8:10

Naikno te gnafa Israel gre ginauna mei mala habo lao khamedire ka phaꞌudi mae ka vikegna Livae re.

Levitikas 16:21

Eghuteuna Eron ginauna habo lao phei khame gna re ka phaꞌu gna nanigot igne, mala cheke fajifladi nakhibo te gnafa nei puhi te diꞌa te gnafa baludi puhi te diꞌa te gnafa te edi ghotilo ranghi ghau iara ra. Eghume ka puhi igne mana lisa lao nakhibo te gnafare ka nanigot tuana. Eghuteuna mana ginauna snakre tei nanigot igne ka kaisei mae tela vahinihi mare na. Mae tuana mala hata nanigot igne tei ka namono nagou.

Levitikas 8:22

Aonu mae Moses atha phei sipu nalhaꞌudi mala taofi pris. Mae Eron baludi mae thugna re ne habo lao khamedire ka phaꞌugna sipu igne.

Levitikas 8:14

Aonu mae Moses atha ne mei buluka mala fafara mala doglo mare ka tathagna Lord. Eghuteuna mae Eron baludi thugna re ne habo khamedi re ka phaꞌugna buluka nalhaꞌugna igne.

Levitikas 4:4

Mana atha mei ka iara buluka nalhaꞌugna igne ka grengatha gna Suga Tapuale te Blahi na, eghuteuna mana habo lao ka phaꞌugna buluka nalhaꞌugna igne mala falalase nogna fafara mana na, eghuteuna mana aknu falehe buluka igne ke ulugu iara Lord.

Eksodas 24:9

Ke leghugna igne, mae Moses, mae Eron, mae Nadab, mae Abihu nei fitusalei nodi mae funei hatimare mae Israel igre eghu ne haghe ka thogele na, ne filoni nodi God mae Israel igne. Ke paridi ghahegna God igre au kaisei glepo te jateula thina tataba te klino fara jateula maloa teu fifilogna na, famane thina igne mare kiloni “safa”.

Eksodas 24:1

Ke leghugna te tusu lao vetula igre ka naiknore, Lord ne cheke eghu ka mae Moses, “Iagho mei ka iara ka thogele igne. Iagho atha balumu mae Eron, nei phei thugna mana ra eghu, mae Nadab ghe mae Abihu ra, nei fitusalei nodi mae funei mae Israel ra eghu. Mare mala mei au fakhabau agne katha vido mala pogho soru ranghi ghau iara,

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Levitikas 4:16

Aonu mae pris biꞌo na atha keha dadara ka buluka igne tei ruma ka Suga Tapuale te Blahi na,

Levitikas 8:18

Ke leghu, mae Moses atha sipu nalhaꞌugna na ne eni fafara te thofno krono na, eghuteuna mae Eron baludi mae thugna re mei ne habo khamedi re ka phaꞌugna sipu igne.

Naba 8:12

“Uve, mae ka vikegna Livae gre ginauna habo lao khamedire ka phaꞌudi phei buluka nalhaꞌudi are. Aonu mae pris Eron ginauna atha kaisei buluka na, eghuteuna fafara mei mala ke gae vikegna Livae gre ka tathagu iara na. Eghuteuna keha na, mana ginauna fafara te gahu te knotho ia eghu. Igne unha nate eni iagho ginauna mala ke gae vikegna Livae gre ka tathagu iara na.

Fapea Kronikols 29:23

Aonu mae pris igre hata ne tei nanigot igre ka king nei hatimare goro mae biꞌo te au teu ka vido tuana mala habo lao mare khamedire. Igne kaisei fagaglana eigna tela hata fadeleihi nakhibodire.