Levitikas 3:12 - Buka Blahi Ka Cheke Holo

¹² “Jame mana atha mei kaisei nanigot ke ulugna Lord,

Levitikas 3:12 ပူးပေါင်းရင်းမြစ်များ

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Isaia 53:2

Lord snakreni nogna mae gloku na mala karha haghe jateula kaisei gaju ikoi te karha majaghani ka vido te moja ra eghu. Mae gloku igne theome famane mae ka tathadi naiknore, eghuteuna theo kaisei naikno te magnahaghei filo ka mana na. Theo glepo te keli te filoni ka mana, te mala magnahagheni mare na.

Levitikas 10:16

Mae Moses ne ghusnadi thilo mare eigna nanigot teke fafara te mala doglo naiknore ka tathagna Lord. Nu mana ne laseni te Eleasa ghe mae Itama phei thugna mae Eron te karha teu igre, phiamare la gnubrahi. Kate filoni mana puhi igne, mana ne diꞌatagna fara ka phiamare, ne cheke faheta eghu ka phiamare,

Levitikas 9:15

Ke leghu mae Eron ne fafara maladi naiknore. Mana atha nanigot na ne aknu falehe ne fafara mala doglo naiknore ka tathagna Lord, jateula teke enihi mana malagna thegna.

Levitikas 9:3

Eghuteuna iagho mala cheke ka naiknodi Israel mala atha mei kaisei nanigot mala fafara mala doglo mare ka tathagna Lord. Eghuteuna cheke ka mare mala atha mei kaisei buluka majaghani nalhaꞌugna balugna kaisei sipu majaghani nalhaꞌugna mala fafara te thofno krono fara. Repa kafe kaisei finogha, eghuteuna repa mala theo kaisei thona ka thinidi re.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 1:6

Mae igne mala vahe koko guligna buluka igne, eghuteuna mana vahe buluka igne ka vidodi.

Levitikas 1:2

Eghuteuna Lord ne cheke ka mae Moses mala cheke mana ka naiknore. Mana ne cheke eghu, “Jame kaisei ka ghotilo magnahaghei fafara mala pogho soru ka iara, te keli na mana atha kaisei buluka ba kaisei nanigot ba kaisei nogna sipu.”

Naba 15:6

“ ‘Eghuteuna ihei te atha mei kaisei sipu nalhaꞌu gna mala eni fafara na, mana ginauna atha phei kilo flaoa gna wit te famane te ngingo mana balugna kaisei vido lita oliv oel, naugna tuana fafara eidi gano ka thobi re,