Levitikas 27:31 - Buka Blahi Ka Cheke Holo

³¹ Nu jame kaisei naikno magnahaghei te foli fapulo kaisei glepo ka kaisei ka fabotho igne, mana ginauna mala foli ka thofno praes gna na, eghuteuna ke nhaꞌa lao kaisei ke klignadi glima sileni ka praes igne.

Levitikas 27:31 ပူးပေါင်းရင်းမြစ်များ

Levitikas 27:30

“Eghuteuna ka gano te gnafa teke hata ka nomi nagare ghotilo re, ba ka nomi gaju ghotilo re, ghotilo mala tusu mei kaisei ka fabothodi glepo te gnafa tuare ka iara. Kaisei ka fabotho igne blahi nei nogu iara Lord.

Levitikas 27:32

Eghuteuna leuleghu finogha na, kate kaha ghotilo buluka majaghani nei sipu majaghani, fabothodi glepo tautagu igre blahi naugna ne nogu iara.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Levitikas 27:27

Nu jame glepo tautagu igre theome klino ka tathagu iara na eghuteuna theome naba te mala fafara na, naiknore tangomana te foli fapulo ka praes thongana igne, eghuteuna ke nhaꞌa lao kaisei ke klignadi glima sileni ka praes igne. Nu jame te theome magnahagheni mana te foli fapulo ka iara na, hatimare mae pris tangomana te sabiri fajifla ka keha mae na ka praes thongana igne.

Fapea Kings 12:4

Kaisei fata, King Joas ne cheke eghu ka hatimare mae pris, “Sileni teke fafara naiknore ka nogna Sugablahi Lord igre mala tusu lao ka mana, ghotilo mala tathajiu mala ke babana Sugablahi ana. Sileni teke takis ka sensas, sileni teke famei naiknore te mala fagnafa gna nodi nhaꞌa cheke na, nei sileni teke koko naiknore ka Sugablahi na leghuni unha teke magnahagheni mare na.