Levitikas 27:28 - Buka Blahi Ka Cheke Holo

²⁸ “Gobigna lepo teke lisei fadelei ghotilo malagu iara Lord teu igre thofno blahi fara. Neuba glepo igre ne naikno, ba glepo tautagu, ba vido glose nodi tharakna gna mae ihei teke nhaꞌa cheke na, ghotilo theome tangomana teke sabiri ba foli fapulo.

Levitikas 27:28 ပူးပေါင်းရင်းမြစ်များ

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.

Levitikas 27:21

Eghuteuna ka Falimafulu Finogha na, glose igne thofno blahi fara, eghuteuna nogu iara fabrahu, eghuteuna mae pris kolho nate hata na.

Diutronomi 25:19

Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Ululahu Samuel 15:18

Eghuteuna kate kuru nigho mana teke tei magra ka naiknodi Amalek ra, mana neke cheke eghu, ‘Iagho tei ka naiknodi Amalek ra mala goigoni fahui naikno te diꞌa tuare. Nei iagho mala magra heta mala ghilei kafe lehe fahui mare.’

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Josua 6:26

Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Naba 18:14

“Eghuteuna glepo nga ne fablahi mare mala tufa mei ka iara Lord nga nu, glepo tuare jaola nomi ghotilo.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Jajis 21:18

Nu tahati neke enihi nhaꞌa cheke te theo kaisei ka tahati nate snakre lao thugna na te mala tolaghi ka kaisei mae ka vikegna Benjamin. Eghuteuna tahati neke cheke eghu, ‘God ginauna tibrini mae ihei te snakreni thugna gaꞌase na ka vikegna Benjamin.’ ”

Jajis 21:5

Aonu mare ne cheke eghu fari thedi, “Ba, ka narane teke khapru tahati ke ulugna Lord Mispa ia, ihei ka vike tahati gne teke theome mei baluda tahati na?” Mare ne cheke eghu, naugna ka narane tura mare neke eni kaisei nhaꞌa cheke eghu, “Jame kaisei mae ka tahati theome mei baluda tahati ke ulugna Lord gognarogne, tahati ginauna aknu faleheni.”

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Levitikas 27:27

Nu jame glepo tautagu igre theome klino ka tathagu iara na eghuteuna theome naba te mala fafara na, naiknore tangomana te foli fapulo ka praes thongana igne, eghuteuna ke nhaꞌa lao kaisei ke klignadi glima sileni ka praes igne. Nu jame te theome magnahagheni mana te foli fapulo ka iara na, hatimare mae pris tangomana te sabiri fajifla ka keha mae na ka praes thongana igne.

Levitikas 27:29

“Eghuteuna jame ghotilo mala aknu falehe keha mae naugna mana ne huhughuni kaisei vetula, ghotilo theome tangomana te foli fajiflani mana te mala snagla na. Mana mala lehe.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Profet Esikiel 44:29

Naiknore hata mei gano ka mae pris, igne jateula kaisei fafara eghu ka iara. Uve, flaoa ka famane wit te fafara te mala doglo ka tathagu iara na, nei fafara mala poloru teu igre ngala gano te mala nodi mare na. Eghuteuna gobigna lepo teke fablahi mare teke tusu mei ka iara Lord, igre jaola nodi mare.

Profet Esikiel 48:14

“Glose nate snakre mei ghotilo ka iara igne, thofno famane glose fara salaꞌudi glose te gnafa igre. Eghuteuna ghotilo ginauna thosei fofoli vido glose igne, ba tughu ka keha glose aheva ghotilo tangomana te snakre lao ka keha mae delei. Glose igne ginauna blahi, naugna ne nogu iara.

Levitikas 21:22

Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.