Levitikas 27:25 - Buka Blahi Ka Cheke Holo

²⁵ Ihei te magnahaghei foli fajifla kaisei mae ba kaisei glepo mala snagla tei, mana mala foli fajifla ka praes pris teke fananaba ka silva teke skel mare ka nodi skel mae pris.

Levitikas 27:25 ပူးပေါင်းရင်းမြစ်များ

Eksodas 30:13

Naikno te gnafa te kaha iagho re mala famei katha vido silva ikoi tahugna na kaisei sekel te fagefe lao mare ka nogna skel mae pris.

Naba 18:16

Kate thokeni kaisei nhigra mae sua nalhaꞌu na, mae kmagna na ginau foli fajiflani mana ka iara. Eghuteuna foligna mana te nanhaꞌa lao iara na glima silva koen teke skel mare ka nodi skel mae pris ra. Tahugna silva koen igne jateula varadaki koen ikodi te kilodi mare ‘gera.’

Naba 3:47

Eghume folidi mae tuare, glima sileni silva kaisei mae eghu. Mare mala leghudi sileni teke skel mare ka nodi skel mae pris ke lamnagna Sugablahi ia.

Levitikas 27:3

mana mala foli fajifla ka praes teke lilisei pris ka silva.” Kaisei mae te varadaki finogha tei thokeni namnosalei finogha, praes na glimafulu silva.

Eksodas 38:24

Gol atha te mei naiknore te mala tusu lao ka Lord te mala loku ka Suga Tapuale te Blahi igne, tahudi re thokeni nheva gobi nheva salei glima kilo. Kate skel mare gol igre, mare edi ka nodi skel mae pris.

Levitikas 27:24

Nu ka Falimafulu Finogha na, vido glose tuana ginauna nake figri ka tharaknadi iheire teke kulu khotogna glose tuana.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.