Levitikas 27:22 - Buka Blahi Ka Cheke Holo

²² “Jame kaisei mae nhaꞌa cheke mala tusu mei ka iara kaisei vido glose teke foli ka keha maei, naugna glose tuana theome nogna thabukna gna mana,

Levitikas 27:22 ပူးပေါင်းရင်းမြစ်များ

Levitikas 25:25

“Jame kaisei ka ghotilo thono kuma fara, eghuteuna mana sabiri nogna glose na, kheragna ka tharakna gna mana na mala ke foli mala ke hata fapulo glose tuana.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Levitikas 27:14

“Jame kaisei mae nhaꞌa cheke mala snakre mei nogna suga na ka iara, eghuteuna ke leghu, mana magnahaghei teke foli fapulo, te eghu na, pris mala eni praes suga tuana. Mana ginauna eni praes gna suga igne leghuni unha te filoni mana na, naba te haghe ba sukha.

Levitikas 27:21

Eghuteuna ka Falimafulu Finogha na, glose igne thofno blahi fara, eghuteuna nogu iara fabrahu, eghuteuna mae pris kolho nate hata na.

Levitikas 27:23

pris mala eni praes leghuni niha finogha te au teu ame thokeni nga Falimafulu Finogha na. Eghuteuna mae igne mala lisei lao sileni igne ka narane tuana la leghuni praes teke lilisei mae pris. Eghuteuna sileni igne ginauna jateula glepo blahi eghu ka iara.