Levitikas 27:17 - Buka Blahi Ka Cheke Holo

¹⁷ Jame kaisei naikno nhaꞌa cheke mala tusu mei vido glose ka iara ka Falimafulu Finogha na, te eghu na, praes te mala foli fajifla vido glose tuana mala thokeni nabagna praes thongana na.

Levitikas 27:17 ပူးပေါင်းရင်းမြစ်များ

Levitikas 27:14

“Jame kaisei mae nhaꞌa cheke mala snakre mei nogna suga na ka iara, eghuteuna ke leghu, mana magnahaghei teke foli fapulo, te eghu na, pris mala eni praes suga tuana. Mana ginauna eni praes gna suga igne leghuni unha te filoni mana na, naba te haghe ba sukha.

Levitikas 27:16

“Jame kaisei naikno nhaꞌa cheke mala tusu mei ka iara kaisei nodi vido glose tharakna gna thegna na, eghuteuna ke leghu, mana magnahaghei teke foli fapulo, te eghu na, pris ginauna eni praes gna leghuni niha sisi bali tangomana te joꞌu tagna na. Aonu praes igne na glima fulu silva maladi phia gobi kilo khatu te tangomana te joꞌu ka nagare tuana.

Levitikas 27:18

Nu jame te nhaꞌa cheke mana ke leghu ka Falimafulu Finogha tuana, pris mala fapari praes te mala foli fajifla leghuni niha finogha te au nga teu te mala thokeni keha Falimafulu Finogha na.

Levitikas 25:9

Ka phiatutu nheva finogha tuare, ka fafitu nhigra na, ka fabotho narane gna na, igne Narane biꞌo mala Hata Fadelei Nakhibo, eghume ghotilo mala kurudi naiknore mala tei ifu fabiꞌo trampet heva heva ka nomi kantri na.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Levitikas 25:11

Ka finogha igne, ghotilo thosei joꞌu gano. Eghuteuna ka finogha igne gano teke karha thedi ka phegra ghotilo ra, ghotilo thosei hata tathajiu malami themi ba mala sabiri. Eghuteuna ghotilo thosei te pala sisi grep ka nagare ra tathajiu malami themi ba mala sabiri.

Levitikas 25:13

“Jame kaisei naikno neke sabiri nogna glose na ka keha mae, glose tuana mala ke pulo ka mae teke kulu khotogna na igne ka falimafulu finogha.