Levitikas 27:13 - Buka Blahi Ka Cheke Holo

¹³ Jame mae tuana magnahaghei te foli fapulo glepo tautagu tuana, mana mala foli ka praes teke lilisei pris na, ke nhaꞌa lao kaisei ke klignadi glima sileni ka praes igne.

Levitikas 27:13 ပူးပေါင်းရင်းမြစ်များ

Levitikas 27:19

Jame ihei te magnahaghei teke foli fapulo vido igne na, mana mala foli praes thongana gna na, ke nhaꞌa lao kaisei ke klignadi glima sileni ka praes igne.

Levitikas 27:15

Jame mae tuana magnahaghei teke foli fapulo suga igne, mana mala foli ka praes teke lilisei mae pris, ke nhaꞌa lao kaisei ke klignadi glima sileni ka praes igne. Eghuteuna suga igne mala ke nogna mana fapulo.

Levitikas 22:14

“Eghuteuna jame ihei te ghamu katha vido ka gano blahi igne, nu theome laseni kolho unha te eni mana na teuna, mana ke foli ka pris unha teke ghamu mana na, eghuteuna ke nhaꞌa lao kaisei ke klignadi glima vido gano teke ghamu mana tuana.

Levitikas 27:10

Mae ihei te eni nhaꞌa cheke igne mana mala theome tughu glepo tautagu igne balugna keha na. Mana theome tangomana te tughu famane glepo tautagu balugna kaisei te diꞌa, eghuteuna theome tangomana te tughu glepo tautagu te diꞌa balugna kaisei te keli. Jame te eni igne na, phei glepo tautagu igre kafe blahi.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Levitikas 27:12

Eghuteuna pris ginauna eni praes gna glepo tautagu tuana leghuni unha te filoni mana tagna na, naba te haghe ba sukha.

Levitikas 27:14

“Jame kaisei mae nhaꞌa cheke mala snakre mei nogna suga na ka iara, eghuteuna ke leghu, mana magnahaghei teke foli fapulo, te eghu na, pris mala eni praes suga tuana. Mana ginauna eni praes gna suga igne leghuni unha te filoni mana na, naba te haghe ba sukha.

Levitikas 27:27

Nu jame glepo tautagu igre theome klino ka tathagu iara na eghuteuna theome naba te mala fafara na, naiknore tangomana te foli fapulo ka praes thongana igne, eghuteuna ke nhaꞌa lao kaisei ke klignadi glima sileni ka praes igne. Nu jame te theome magnahagheni mana te foli fapulo ka iara na, hatimare mae pris tangomana te sabiri fajifla ka keha mae na ka praes thongana igne.