Levitikas 27:11 - Buka Blahi Ka Cheke Holo

¹¹ Nu jame mae tuana nhaꞌa cheke mei ka iara kaisei glepo tautagu te theome klino ka tathagu iara na te theome naba te mala fafara na, aonu ke leghu mana magnahaghei teke foli glepo tautagu igne, te eghu na, mana mala hata mei glepo tautagu tuana ka pris mala eni mana praes gna na.

Levitikas 27:11 ပူးပေါင်းရင်းမြစ်များ

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Levitikas 27:10

Mae ihei te eni nhaꞌa cheke igne mana mala theome tughu glepo tautagu igne balugna keha na. Mana theome tangomana te tughu famane glepo tautagu balugna kaisei te diꞌa, eghuteuna theome tangomana te tughu glepo tautagu te diꞌa balugna kaisei te keli. Jame te eni igne na, phei glepo tautagu igre kafe blahi.

Levitikas 27:12

Eghuteuna pris ginauna eni praes gna glepo tautagu tuana leghuni unha te filoni mana tagna na, naba te haghe ba sukha.