Levitikas 26:9 - Buka Blahi Ka Cheke Holo

⁹ “Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Levitikas 26:9 ပူးပေါင်းရင်းမြစ်များ

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Profet Esikiel 16:62

Eghume, iara ginauna eni nhaꞌa cheke majaghani igne balumu iagho, eghuteuna iagho ginauna lase fakeli ghau iara Lord.

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Diutronomi 28:11

Kate au ghotilo ka glose aheva teke nhaꞌa chekeni Lord ka kuꞌemi ghotilo tifa ra, mana ginauna fablahi ghami ghotilo mala au kmana thumi, nei kmana nomi buluka, nei sipu, nei nanigot, nei dongki, nei kmana gano ka nagare.

Luku 1:72

God neke nhaꞌa cheke ranghi ghita mala kokhonidi mae kuꞌeda tifa ra. Mana neke ghatho fapuloni u nogna nhaꞌa cheke te blahi na.

Nodi Khoje Hatimare Mae Jiu 89:3

Iagho neke cheke eghu, “Iara neke enihi kaisei nhaꞌa cheke ka mae Devet nogu mae gloku teke vahini iara tifa ia.

Diutronomi 28:4

“Ghotilo ginauna au kmana thumi. Eghuteuna ghemi nagare ghotilo are ginauna vuragha gano. Eghuteuna nomi glepo tautagu ghotilo are ginauna jaola au kmana thudi.

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Jenesis 28:14

Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Jenesis 6:18

Nu iara ginauna na eni kaisei nhaꞌa cheke balumu iagho. Eghuteuna iagho ginauna na saghe ka vaka igne baludi khetomu, thumu nalhaꞌu nei khetodi mae thumu are eghu.

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Nehemaea 2:20

Aonu iara ne cheke eghu ka thilo mare, “God gna Kligna ginauna togho ghami ghehati mala loku fagnafa gloku igne. Ghehati nogna mae gloku mana gre kolho nate fufunu gloku igne mala ke babana fapulo gringni thina gna namono igne. Nu ghotilo theome naiknomi Jerusalem, eghume ghotilo theo nomi nolaghi te mala cheke eigna igne.”

Fapea Kings 13:23

Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

Jenesis 1:28

God ne fablahidi ne cheke eghu ka repa, “Ghopa mala au sua kmana mala reireghidi glepo te gnafa te au ka nauthoglu na igre. Iara neke lilisei sasa nei nanghaji nei thua nafnata glepo te tautagu teu ka nauthoglu na igre mala reireghidi ghopa.”

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 48:4

Mana neke cheke eghu ka iara, ‘Iara ginauna na tusu ranghi nigho iagho kmana thumu, eghuteuna gramu iagho re ginauna na kmana fara. Iara ginauna na tusu ari namono igne ka gramu iagho re mala nodi mare fabrahu.’ ”

Levitikas 26:15

Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Profet Esikiel 36:9

Iara ghatho tahudi nogu naiknore, eghuteuna iara ginauna na toghodi mala tarabana glose mala joꞌu gano tagna.

Ululahu Kings 3:8

Iara au farihoteidi naikno teke vahidi iagho mala nou naikno teku iagho gre, eghuteuna mare thono kmana fara, eghuteuna theome tangomana kaisei naikno te kahadi igre.

Profet Jeremaea 23:3

Eghuteuna nogu naikno iara te karha teu te tei tafri ka keha kantri na igre, iara thegu ginauna nake atha fapulodi ka nodi thofno namonore. Iara ginauna na jateula mae greireghi sipu te keli te salo fodu mei nogna sipure ka vido aheva te au buburu nei khoꞌu teu ra eghu. Eghuteuna sipu igre ginauna au fakeli nei au kmana thudi eghu.

Profet Jeremaea 23:4

Iara ginauna vavahi keha mae mala baubatu mala reireghi fakelidi naiknore. Eghuteuna naikno igre ginauna na theome mhaghu ba glaꞌe soru gaoghathodire. Uve, ginauna na theo kaisei naikno nate snivi na.” Igne chekegna Lord.