Levitikas 26:8 - Buka Blahi Ka Cheke Holo

⁸ Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Levitikas 26:8 ပူးပေါင်းရင်းမြစ်များ

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Ululahu Kronikols 11:20

Abisae thabusigna mae Joab, mana lida ka tolufulu soldia te nheta. Kaisei fata mae Abisae neke magra ka thilo gobi soldia neke fada falehedi neke gnafa ka nogna goru na. Naugna igne te hata mana u nangha biꞌo jateula thilo mae soldia te nheta igre teuna.

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Ululahu Kronikols 11:11

Igre nanghadi nogna soldia keli mana re: Ulu lahu na mae Jes-Baal ka vikegna mae Hakmon. Mae igne mae funeidi thilo mae soldia te rheta tulao. Ka kaisei magra na mana neke fada falehe thilo gobi soldia ka nogna goru na.

Levitikas 26:7

Ghotilo ginauna ngolhi fajifladi nomi naokare eghuteuna aknu falehedi ka nodi naflahi mala magra re.

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Nogna Buka Esta 9:16

Eghuteuna mae Jiu te au ka provins igre jaola ne magra heta. Mare ne aknu falehe fitu salei glima thogha naoka. Nu mare jaola ne theome hata kaisei glepo ka naikno te lehe igre.

Profet Sekaraea 12:8

Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare.

Naba 31:4

Tahati ginauna vahidi keha nabotho phei thogha mae, kaisei thogha mae eghu tei ka vike te gnafa tahati igre mala tei ka magra.”