Levitikas 26:7 - Buka Blahi Ka Cheke Holo

⁷ Ghotilo ginauna ngolhi fajifladi nomi naokare eghuteuna aknu falehedi ka nodi naflahi mala magra re.

Levitikas 26:7 ပူးပေါင်းရင်းမြစ်များ

Levitikas 26:6

“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Levitikas 26:8

Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Nogna Buka Esta 9:16

Eghuteuna mae Jiu te au ka provins igre jaola ne magra heta. Mare ne aknu falehe fitu salei glima thogha naoka. Nu mare jaola ne theome hata kaisei glepo ka naikno te lehe igre.

Levitikas 26:36

“Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Jajis 4:16

Keha nogna soldia Sisera re ne rikha, nu Barak balugna nogna mae soldiare ne ngohlidi mare te thoke ka namono Haroset-Ha-Goeim. Mare aknu falehe ne hui nogna soldia Sisera re eghuteuna theo kaisei te karha na.

Jajis 7:23

Gidion ne fatei cheke ka vikegna Naftali, nei ka vikegna Asa, nei mae te gnafa ka vikegna Manase, mala kafe mei aknu falehe maedi Midian. Aonu mare kafe mei ne kegra faligohodi mare.

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Ululahu Samuel 14:13

Eghuteuna mae Jonatan ne apla ne haghe ka khamegna nei ghahegna teure kolho, eghuteuna mae soldia majaghani igne ne ke leghugna mana. Mae Jonatan ne tei aknu falehe maedi Filistia te au ke ulugna re, eghuteuna mae soldia majaghani igne ne aknu falehe mae te mei ke leghu re.

Ululahu Kronikols 19:15

Eghuteuna kate filoni te rikha soldia di Siria igre, soldia di Amon gre jaola ne rikhani mae Abisae, eghuteuna mare tei ne ruma ka nodi namono mare na. Ke leghu, mae Joab ne theome magra ka armigna Amon, nu mana neke pulo kolho Jerusalem.

Nodi Khoje Hatimare Mae Jiu 81:15

Uve, jame fanomho koba nogu naikno re ka iara meuna, iara ginauna na famamhagudi naikno te tirodi ghau iara gre. Eghuteuna iara ginauna paradi fabrahu naikno te diꞌa tuare.