Levitikas 26:6 - Buka Blahi Ka Cheke Holo

⁶ “Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Levitikas 26:6 ပူးပေါင်းရင်းမြစ်များ

Profet Isaia 35:9

Theo kaisei lion ba keha glepo te fakaukathu nate leghuni nabrou igne.

Profet Sefanaea 3:13

Naiknodi Jerusalem te au faleghu teu igre ginauna theome eni kaisei puhi te diꞌa ranghidi keha naiknore. Eghuteuna theo kaisei naikno nate cheke chaichaghini nei majorani teu kheragna fofodu na. Mare ginauna au blagna nodi jare, eghuteuna theo kaisei naikno nate famamhaghudire.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Profet Jeremaea 30:10

“Eghume, ghotilo vikegna Israel, nogu naikno gloku iara ra ghotilo thosei mhaghu. Iara ginauna atha fapulo ghami ghotilo ka kantri te tei au sneka teu ghotilo igne. Uve, iara ginauna atha fajifla ghami ghotilo ka vido aheva te funei fruni ghami teu mae naoka igre. Ghotilo ginauna nake pulo mei ka nomi thofno namono na mala ke au fakeli nei au ka pharikeli. Theo kaisei naikno nate goigoni ghami ba famamhaghu ghami teu ghotilo ginauna. Theo.

Profet Hagae 2:9

Eghuteuna Sugablahi majaghani igne ginauna famane fara salaꞌuni Sugablahi ulu ia. Eghuteuna naiknore, ginauna au fakeli nei au ka pharikeli. Iara Lord te chekeni igne!”

Profet Hosia 2:18

Ka narane tuana, iara ginauna na eni kaisei nhaꞌa cheke baludi bosu, buluka, nanghaji, nei mogo teu igre mala thosei mei goigonidi nogu naikno iara igre. Eghuteuna iara ginauna hata fadelei naflahi, phaloho, nei thua nafnata glepo te mala magra are mala au mare kau pharikeli ka nauthoglu igne.

Profet Esikiel 34:25

“ ‘Iara ginauna eni baludi kaisei nhaꞌa cheke mala au mare kau pharikeli. Iara ginauna ngolho teidi gobigna lepo te diꞌa fateote'o te au ka namono nagou nei mata teu are, eghuteuna nogu sipu iara igre ginauna theome mhaghu na thuru tafri nodi kolho.

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Profet Esikiel 14:15

“Iara eni nogu nhaꞌa cheke te rheta igne ka nanghagu iara Lord mae ihei te karha te tifa: Neuba, jame au meu thilo mae igre ka kantri igne meuna, iara ginauna kurudi kolho khuma mhata re mala falehedi gnafa kehare. Theo kaisei naikno nate tei salaꞌu ka kantri te krogha igne, naugna mare mhaghudi khuma mhata igre. Eghuteuna neuba jame thudi thilo mae igre ne au neu ka namono igne, thilo mare ginauna na jaola theome tangomana te fakarhidi mare na. Thilo mare ginauna tangomana te fakarhidi kolho thedi, nu namono igne ginauna thono diꞌa fara.

Thoutonu Eigna Mae Job 11:19

Uve, iagho ginauna thuru fakeli, eghuteuna theo kaisei naikno nate mei famamhaghu nigho na. Eghuteuna kmana naikno ginauna tore nigho mala toghodi.

Eksodas 23:29

Nu iara ginau na theome brue fajifladi naiknore ka kaisei finogha kolho. Jame te eni iara igne na, namono gne ginau na mata thuꞌa, eghuteuna bosu mata igre ginau na mei kmana salaꞌui ka ghotilo.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Profet Sekaraea 9:10

“Iara ginauna hata fadelei hose nei chariot teu igre mala theome magra mae soldia di Israel nei Jerusalem. Iara ginauna goigoni fahui nodi phaloho mala magra mare are. King igne ginauna au fakeli baludi keha kantri are nei king di keha kantri te funu ke maghati Thongna Lehe tei posani thongna ke mosu, eghuteuna funu ke raru Khoꞌu biꞌo Iufretis, tei posa ka khukrugna nauthoglu.”

Profet Maeka 4:4

Naikno te gnafa igre ginauna au fakeli, nei au muana fabrahu. Mare ginauna tangomana te au fakeli ka nodi nagare grep, eghuteuna mare tangomana te gnokro ke paridi nodi gaju fig. Eghuteuna na theo kaisei naikno nate famamhagudi. Igne nogna cheke Lord mae ihei te au nolaghi fateote'o.

Profet Esikiel 14:17

“Neuba jame te snakredi iara mae naoka gre te mei magrani kantri igne, eghuteuna aknu falehe mare naikno te gnafa nei glepo tautagu te gnafa teure, thilo mae igre ginauna theome fakarhidi mare kolho. Iara eni nhaꞌa cheke te rheta igne ka nanghagu iara Lord mae ihei te karha fabrahu tifa te tifa: Neuba jame thudi thilo mare igre au meu ka namono igne meuna, thilo mare ginauna na jaola theome fakarhidi mare. Thilo mare ginauna fakarhidi thedi kolho.

Profet Esikiel 5:17

Thumi ghotilo re ginauna lehe ka grofo, eghuteuna iara ginauna jaola kuru mei khuma mhata mala falehedi mare. Iara ginauna snakre ghami ghotilo mala lehe ka kaisei fogra te diꞌa eghuteuna snakreni magra na mala thokedi namono ghotilo gre. Iara Lord te chekeni igne.”

Nodi Khoje Hatimare Mae Jiu 85:8

Iara nomhini unha te chekeni nogu God na ka nogna naiknore. Mana neke nhaꞌa cheke eigna pharikeli, eghu jame teke figri tahati ka puhi fameomekro teke edi tahati ra.

Nodi Khoje Hatimare Mae Jiu 4:8

Lord, kaisei iagho ngala te reireghi ghau iara te mala au fakeli iara na. Iara gne theome tangomana te mhaghuni kaisei glepo na. Kate thuru na, iara thuru blakno.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Mae Khuru 12:6

Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.

Profet Esikiel 14:21

“Iara Lord iara cheke eghu: Ghotilo naiknomi Jerusalem. Ginauna na thono diꞌa fara salaꞌuni narane teke snakredi iara fati papara biꞌo igre ka ghotilo ra. Iara ginauna kuru mei narane mala magra, nei narane mala rofo, nei khuma mhata, nei kaisei fogra diꞌa mala lehe fahui naikno te gnafa nei glepo tautagu te gnafa eghu Jerusalem.

Profet Jeremaea 31:26

Aonu, ka narane igne, iara dofra haghe ne filo tafri, eghuteuna iara ne keli nagnafagu fara eigna unha te eni Lord kate thuru teu iara igne.

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 3:5

Lord, iara na thuru soru mala thuru blakno nogu, eghuteuna hamerane na iara neke dofra haghe. Theo kaisei naikno te eni kaisei puhi te diꞌa ranghi ghau iara na, naugna iagho ne reireghi ghau neu iara.

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Proveb 3:24

Kate thuru na iagho ginauna na thuru blakno, eghuteuna iagho ginauna na theome tangomana te mhaghuni kaisei glepo na.

Thoutonu Eigna Mae Job 5:23

Vido aheva nate loku nagare iagho tagna na, ginauna na theo kaisei thina tagna. Eghuteuna khuma mata re ginauna theome mei kathu falehe nigho.

Levitikas 26:22

Iara ginauna kuru tei glepo tautagu mala kathu falehe thumi ghotilo re, baludi nomi glepo tautagu ghotilo re. Eghume ginauna na phei ba thiloi kolho nate karha na ghilei theo kaisei nate au te mala nolo ka nomi nabrou ghotilo are.

Levitikas 26:7

Ghotilo ginauna ngolhi fajifladi nomi naokare eghuteuna aknu falehedi ka nodi naflahi mala magra re.

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Levitikas 25:18

“Jame te faꞌuvedi nei leghudi teu ghotilo nogu vetula nei nogu farirhiu teu iara igre na, ghotilo tangomana te au fakeli ka nomi glose na.

Levitikas 25:19

Jame te eghu ghotilo na, nomi glose ghotilo igne ginauna au kmana gano, eghuteuna ghotilo ginauna theome tangomana te kmoꞌe ka gano na, eghuteuna ghotilo ginauna tangomana te au fakeli ka vido tuana.

Fapea Kronikols 20:30

Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Nodi Khoje Hatimare Mae Jiu 144:14

Uve, ghehati magnahaghedi nomi bulukare te vuragha fara, nei theo kaisei sua buluka te snivi na. Ghehati theome magnahaghei kaisei naoka te ruma mei ka nomi namono gne eghuteuna ghehati theome magnahagheni kaisei naikno ka ghehati te tanhi nei diꞌanagnafa teu ke lamna nabrou ka namonomi gre.

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Profet Esikiel 34:27

Gaju re ginauna ure kmana sisi, eghuteuna nagare na ginauna au kmana gano tagna. Eghuteuna mare te gnafa na ginauna tangomana te au fakeli ka nodi glose na. Iara ginauna kusu chen teke harudi kate loku mare jateula naikno sneka teku igre mala snagla ke tei nodi mare. Naudi glepo igre, mare ginauna lase fakeli ghau iara Lord.

Profet Hosia 2:20

Iara ginauna na leghuni nogu nhaꞌa cheke teke eni iara ka iagho ia mala au balumu fabrahu tifa tifa. Iagho lase ghauhi iara te nou God iagho na.