Levitikas 26:42 - Buka Blahi Ka Cheke Holo

⁴² te eghu na, iara ginauna ghathoni nogu nhaꞌa cheke teke eni iara baludi kuꞌedi mare, Ebraham, Isak, nei Jekop. Eghume iara ginauna nake ghathoni nomi glose ghotilo na mala ke pulo mei mare tagna.

Levitikas 26:42 ပူးပေါင်းရင်းမြစ်များ

Profet Esikiel 16:60

Neuba, iara ginauna tajini nhaꞌa cheke teke eni iara balumu iagho kani teke mae majaghanimu teku iagho ia, eghuteuna iara ginauna nake eni keha nhaꞌa cheke te theo ka gnafagna balumu iagho.

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Eksodas 6:5

Gognarona iara nomhidi nodi natanhi naiknodi Israel naugna naiknodi Ijep igre huhurudi mare mala loku heta jateula sneka eghu ka nodi namono na, eghuteuna iara ke ghathoni nhaꞌa cheke teke eni iara tifa ia.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Luku 1:72

God neke nhaꞌa cheke ranghi ghita mala kokhonidi mae kuꞌeda tifa ra. Mana neke ghatho fapuloni u nogna nhaꞌa cheke te blahi na.

Profet Joel 2:18

Aonu naiknore ne tughu nagnafa, eghuteuna Lord ne ghatho tahuni nogna glose na ne kokhonidi nogna naiknore.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Diutronomi 4:31

Ghotilo tangomana teke pulo mei na naugna Lord nomi God ghotilo na kokhoni ghami ghotilo. Mana theome tangomana te tei koko ghami ba goigoni ghami ba ghatho ihoni nhaꞌa cheke teke eni baludi kuꞌemi ghotilo tifa ra.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 26:5

Iara ginauna eni igne naugna mae kmamu iagho Ebraham ia neke nomhidi nogu cheke iara re nei leghudi nogu vetula te gnafa iara gre neku. Naugna igne iara ginauna na fablahi nigho iagho.”

Jenesis 26:2

Lord ne thakle ka mae Isak jare ne cheke eghu ka mana, “Ghema Isak, thosei tei Ijep. Iagho au ngala ka namono aheva mala au iagho teku iara igne.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 35:12

Tifa na iara neke tusu laohi namono igne ka mae Ebraham ghe mae Isak, eghuteuna gognaro iara na ke tusu ari ka iagho. Eghuteuna iara ginau nake jaola nake tusu lao namono igne ka thumu iagho re.”

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Nogna Buka Esta 4:14

Jame te theome cheke iagho te kmu teu kolho ka narane te ninhigrana igre na, keha naiknoi ginau nate mei te mala togho ghita nei fakarhi ghita. Nu iagho baludi tharaknamure ginauna lehe. Nu tahati theome laseni, jau iagho mala Kuin kolho ka vido te ninhigrana igne jau?”

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Diutronomi 9:27

Ghathodi sagho thilo nou mae glokura, Ebraham, Isak nei Jekop. Eghuteuna kate ghathodi iagho thilo mae igre, thosei filo ka nakhibo teke edi naikno te patu gama fara igre.

Profet Isaia 14:1

Lord ginauna kokhoni ghita tahati naikno teke vikegna Israel ra. Eghuteuna mana ginauna vahi ghita mala ke nogna naikno mana. Mana ginauna snakre ghita mala au ka noda namono igne. Eghuteuna naiknodi keha kantri igre mala jaola mei au baluda ka namono igne.