Levitikas 26:36 - Buka Blahi Ka Cheke Holo

^36-37 “Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Levitikas 26:36 ပူးပေါင်းရင်းမြစ်များ

Profet Esikiel 21:7

Eghuteuna jame te ghusna eghu mare ka iagho na, ‘Naugna unha sagho te diꞌanagnafa nei tanhi teu fabrahu gnea?’ Iagho ginauna cheke eghu ka mare, ‘Iara diꞌanagnafagu fara, naugna iara laseni kaisei nonomho te diꞌa ginauna mei ka ghotilo. Ghotilo ginauna mhaghu nomi fara, eghuteuna khamemi nei ghahemi teu ghotilo te gnafa re ginau glaꞌe fara ka namhaghu, eghuteuna gaoghathomi ghotilo re ginauna glaꞌe soru, eghuteuna ghotilo ginauna jaola nanga nomi fara.’ Nonomho te diꞌa igne ginauna ghosei mei, eghuteuna kate mei na, glepo te diꞌa igne ginauna mei tutuani. Igne nogna cheke Lord God!”

Profet Isaia 30:17

Eghuteuna jame te filoni ghotilo kaisei nodi soldia mae naoka re, kaisei thogha mae ka ghotilo ginauna rikha, naugna ghotilo ne mhaghuni mana. Jame te filodi ghotilo glima mae ka mare na, ghotilo te gnafa na ginauna na kafe rikha. Eghuteuna keha ka ghotilo kolho nate karha te mala jateula kaisei gaju flagi te kegra sopa thegna ka thogele ra teuna.”

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Profet Esikiel 21:15

Gaoghathodi naiknore ginauna glaꞌe soru naugna iara lilisei nogu naflahi na ka grengatha te gnafa ka nodi namono mare na. Thono siasigla fara jateula nakafli ra eghu tarabana mala falehe naikno.

Profet Esikiel 21:12

Maegna ka nauthoglu, iagho mala diꞌanagnafa nei tanhi fabiꞌo eghu. Naflahi igne mala magra ka nogu naikno iara re, eghuteuna ka mae biꞌomi ghotilo re eghu. Uve, mare te gnafa na ginauna lehe ka magra. Eghume iagho fakakhana te diꞌanagnafa fara iagho na.

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.

Profet Isaia 7:2

Kate nomhini King Ehas baludi nogna naiknore te loku fodu nodi soldia phei king igre te mala magra Juda na, mare ne mhaghu nodi fara.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Fapea Kronikols 14:14

Ke leghu, armigna Juda igne ne goigonidi namono te gnafa te au faligohoni Gerara. Naiknogna rijon igne ne mhaghu nodi fara ka Lord, eghuteuna soldia di Juda igre ne tei ka namono te gnafa igre ne hata nodi glepo te keli mare re.

Ululahu Samuel 17:24

Kate nomhidi nogna cheke mae Golia igre, armigna Israel igne ne thono mhaghu nodi fara ne suaraghi fapulo ne kafe rikha.

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Diutronomi 1:44

Nu kokhologna mae Amoa te au ka thogele igre kafe gru mei jateula jurukuli neku neke ngolhidi neke mei magra ka mare. Mare rikha funu ka rijon Idom ne tei posa ka namono Homa.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Jenesis 4:12

Uve, kate loku iagho ka glose na iara theome snakreni glose igne te fabruara naba gano malagna tharaknamu iagho na. Eghuteuna iagho ginauna na mae mala tei tafri kolho nei theo kaisei namonomu kolho ka nauthoglu igne.”

Josua 7:5

Maedi Ai igre ne ngolhidi maedi Israel funu ka grengathagna namono na ne ghilei tei posa ka kaisei thogele te mala dokha thina na. Eghuteuna kate ngolhodi te sukha maedi Ai ka thogele igne na, mare ne aknu falehe tolufulu namno mae ka nogna soldia mae Josua igre. Mae Israel igre ne mhaghudi mae igre ne glaꞌe soru fara gaoghathodire.

Thoutonu Eigna Mae Job 13:25

Leuleghu fata na iagho nenei ghau iara jateula nuri te pala te tei buburu moja ra eghu.

Nodi Khoje Hatimare Mae Jiu 53:5

Nu mare ginauna na thono mhaghu nodi fara. Tifa na mare neke theome mhaghu nodi jateula tuana neku. Thono theo fara. God ginauna falehedi nei tofa tafridi eghu nhubradire. Mana ginauna roꞌedi naugna mana ne theome magnahaghedi.

Profet Jeremaea 37:10

Neuba ghotilo ne uluni armi gna Babilonia te mei magra ka ghotilo igne, keha mae te fnera ka mare thuru karha neu ka nodi suga tapualere igre ginauna kegra haghe mei gnubra namono igne baludi gobigna lepo te au ke lamnagna.”

Profet Jeremaea 46:16

Nomi mae soldia ghotilore la glaꞌe soruhi, eghuteuna leuleghu fata na mare uka koba pari. Aonu mare ne cheke eghu fari thedi, ‘Kegra haghe! Tahati na rikhadi mae naoka nate mei igre mala ke pulo ka naikno te au ka namono teke karhadara!’

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Lamentations 1:6

Nafnakno biꞌogna Jerusalem ia la theo nafugnahi, gognarona ari la diꞌahi. Mae biꞌore jateula bosu te theome tangomana te dei ghedi ganora eghu. Mare glaꞌe soru theome tangomana te rikha na.

Lamentations 4:19

Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Nodi Khoje Hatimare Mae Jiu 53:6

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Nodi Khoje Hatimare Mae Jiu 89:43

Iagho neke goigonidi nogna glepo mana te mala magra re, eghuteuna iagho snakredi hatimare nogna mae naoka mana re mala uluni mana u magra na.

Profet Hosia 8:3

Nu theo eghu. Mare theome magnahaghei te leghuni puhi te keli na nei doglo na teuna. Eghume, mae naokare ginauna mei ngolhi fajifladi ka namonodire.