Levitikas 26:33 - Buka Blahi Ka Cheke Holo

³³ Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Levitikas 26:33 ပူးပေါင်းရင်းမြစ်များ

Profet Sekaraea 7:14

Naugna te eni mare igne, iara mei jateula saeklon eghu mala kafe brue teidi delei mala tei au tafri ka keha kantri delei. Eghuteuna famane glose teke kulu au mare tadira, krogha, mala theo kaisei naikno tangomana te au tagna na.”

Profet Esikiel 20:23

Ke lamnagna namono nagou na, iara neke eni kaisei nhaꞌa cheke te mala kuru fajifladi mala tei au tafri mare ka keha kantri ka nauthoglu gne.

Diutronomi 4:27

Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Profet Esikiel 22:15

Iara ginauna khi fajifla ghami mala tei au tafri ghotilo ka keha kantri delei. Eghuteuna iara ginauna koko fahui puhimi ghotilo te diꞌa te theome gae ghotilo ka tathagu iara na.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Lamentations 4:15

Naiknore ne eha eghu fabiꞌo ka mare, “Tei nomi delei! Ghotilo thosei habo ghami ghehati! Ghotilo theome gae ka tathagna God na!” Eghuteuna kate rikha tafri mare na, naiknodi keha kantri igre ne cheke eghu ka mare, “Mare theome tangomana te au balumi ghehati agne na!”

Profet Jeremaea 9:16

Iara ginauna kuru fajifladi mala tei au tafri mare ka kantri aheva mare nei kuꞌedi tifa ra eghu te theome laseni. Eghuteuna iara ginauna kurudi hatimare mae armi mala tei falehedi mare.”

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.

Nehemaea 1:8

“Thosei ghatho ihodi cheke teke cheke eghu iagho ka mae Moses tifa ra, ‘Jame te figri tagru ghau iara ghotilo na, iara ginauna khi fajifla ghami ghotilo mala tei au tafri ghotilo ka keha kantri delei.

Nodi Khoje Hatimare Mae Jiu 106:27

Eghuteuna mana ginauna brue fajifladi iheire nate karha mei ka vikedi mare thogheiro mala tei au tafri farihoteidi naikno te bongihehere, nei lisa laodi mala tei lehe mare ka keha kantri delei.

Profet Isaia 1:7

Nomi naoka ghotilore la gnubrahi nomi namono ghotilore nei goigonihi nomi kantri ghotilore. Mare blau gano ka nomi nagare ghotilore kate filo teu kolho ghotilo na. Maedi ka keha namonoi te mei goigonidi gobigna lepo ka nomi kantri ghotilo igne.

Profet Jeremaea 7:34

Ginauna na theo kaisei naikno nate au ka namono biꞌo Juda nei ka nabrou Jerusalem. Iara ginauna eni glepo igne, eghuteuna puhi aublagna nei gleale'a, nei naogladi gaghamu biꞌo nei tholaghi majaghani teu igre ginauna theome nomhidi. Uve, vido kantri igne ginauna thofno krogha na theo kaisei naikno nate au tagna na.”

Profet Jeremaea 13:24

“Iara ginauna na famamhaghu ghami ghotilo mala rikha tafri ghotilo, jateula nuri biꞌo te ghaghafa mei fei namono nagou te flalo tafri chara ra eghu.

Profet Jeremaea 15:4

Eghuteuna kate ghathoni igne na, naiknogna nauthoglu igne ginauna mhaghu nodi fara. Iara ginauna edi glepo igre mala thokedi mare eidi puhi te diꞌa teke edi mae king Manase thugna mae King Hesekaea Jerusalem kani teke king mana Juda tifa ia.” Igne chekegna Lord.

Profet Jeremaea 31:10

“Ghotilo te gnafa ka kantri te gnafa ra, fanomho mei ka nogu cheke iara Lord! Ghotilo tei toutonuni nogu cheke iara igne ka naikno te au khaba ka ghotilo ra! Ghotilo tei cheke eghu, ‘Lord neke brue fajifladi naiknodi Israel neke tei tafri, nu mana ginauna nake atha fapulodi. Mana ginauna hirodi, jateula mae greireghi sipu te hirodi nogna sipu ra eghu.’

Profet Esikiel 5:2

Kate namo thokeni iagho khukrugna narane te thuru iagho te fakakhana puhi nate ului mae naoka gre namono igne, iagho ginauna hata bukrei khakla ulu lahu na, mala gnubra ke kligna thotoghalegna namono teke eni iagho ana. Fapea bukrei na, iagho ginauna vaevahe tafri ka naflahi ana lithui ke kosigna thotoghale gna namono na. Iagho ginauna koko haghe kligna fatilo bukrei na mala flalo tei tafri ka nuri, ka puhi igne naiknore ginauna filoni puhi nate ngolhidi mare nogu naiknore iara ka nogu naflahi iara na.

Profet Emos 9:4

Neuba mae naokare ne hatadi mare ne tei ka namono te khaba fara mala nodi naikno sneka neu, iara ginauna cheke faheta ka mae naoka igre mala aknu falehedi jare. “Iara theome tangomana te toghodi re, iara na goigoni fahuidi gnafa.”

Ululahu Kings 8:46

“Theo kaisei naikno ka nauthoglu igne te theo nakhibo gna na. Eghume kate tapla jafra nou naikno iagho re, glahu diꞌatamu iagho ka mare, lisa lao ka mae naoka are mala uludi mare, nei mala hata tei mare ka nodi kantri re, neuba ne namo, ba khaba fara Israel.

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Nogna Buka Esta 3:8

Aonu mae Haman tei ne cheke eghu ka king, “King Sekses, keha tothoghei naiknore au tafri ke lamnagna kantri te funei frunini iagho igne, nei ka provins te gnafa teu igre. Nodi kastom nei puhidi teure nhogri fara ka nodi kastom nei puhidi teu keha naikno te au igre. Naikno igre theome leghudi vetulagna nou kantri iagho igne. Eghume jame te snakredi iagho naikno igre te au teu agne na, igne ginauna na theome togho nigho iagho, nei jaola, na theome toghoni nou kantri iagho igne.

Nodi Khoje Hatimare Mae Jiu 44:12

Iagho neke foli nou naikno themu gre ka sileni ikoi jateula chara eghu kolho.

Profet Isaia 6:11

Aonu iara ne ghusna eghu, “Lord, niha nau gnafa nga iara ka gloku igne?” Mana ne cheke eghu ka iara, “Ginauna au eghu ghilei thoke mei narane namono te gnafa Israel igre na krogha nei diꞌa fara teuna,

Profet Jeremaea 4:7

Mare ginauna na jateula lion te jifla mei ka nogna vido mala poru ra eghu. Mare na mei goigonidi fara nomi namono ghotilo igre. Eghuteuna theo kaisei naikno nate au teu ka namono igre na.

Profet Jeremaea 8:3

Eghuteuna ihei te au faleghu ka naiknodi Juda te diꞌa igre, iara ginauna brue fajifladi ka kantri igne mala tei au ka keha vido delei. Mare gaoghathodi na mare jame nabadi na mala lehe kolho. Igne chekegna Lord mae ihei te au nolaghi fateote'o!’

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Lamentations 4:16

Lord diꞌatagna fara ne fariki raka tafridi mala tei au tafri mare delei. Mana jaola theome magnahaghei te ghatho tahudi hatimare mae pris. Eghuteuna mana theome kelitagnadi hatimare mae mala baubatu igre.

Profet Esikiel 12:20

Namono te fodu ka naikno gognaro igre, ginauna krogha, eghuteuna vido glose te falithui di mare are ginauna jaola krogha. Ka narane tuana, ghotilo ginauna thofno laseni te iara Lord.’ ”

Profet Hosia 9:6

Ke leghugna narane nate thoke mei puhi biꞌo igne ka ghotilo na, ghotilo ginauna na rikha tafri. Neuba ngau, maedi ka kantri Ijep ginauna mei hata ghami ghotilo mala tei ka sosolo. Eghuteuna ghotilo ginauna au jare ghilei lehe. Eghuteuna mare ginauna na giugilu ghami ghotilo ka namono Memfis, namono biꞌo lahu ka kantri Ijep. Ghotilo ginauna nake theome pulo ka namonomi na. Theo. Nomi suga, nomi silva, nei nomi glepo te keli teu teke khotodi ghotilore ginauna thafru ka soro nei ka gnarho phono.