Levitikas 26:32 - Buka Blahi Ka Cheke Holo

³² Iara ginauna goigoni nomi glose ghotilo are, ghilei nomi naoka ghotilo te mala au ka nomi glose ghotilo igre ginauna rhana nodi fara ka unha te eni iara tagna na.

Levitikas 26:32 ပူးပေါင်းရင်းမြစ်များ

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Jeremaea 25:11

Gobigna lepo ka glose na igre ginauna thofno diꞌa fara. Eghuteuna Juda baludi keha kantri te au namo igre ginauna loku ranghini mae king gna Babilonia nabagna fitusalei finogha.

Profet Jeremaea 19:8

Iara ginauna goigoni namono igne, eghuteuna naikno te filoni igne ginauna cheke fadiꞌani. Iheire te salaꞌu ka vido igne ginauna mare rhana fara cheke fadiꞌani.

Profet Jeremaea 18:16

Aonu nodi glose mare na ginau thofno diꞌa fara, eghuteuna naikno te gnafare ginauna cheke faparini glose igne. Iheire te liu tagna na ginauna rhana nodi fara cheke fadiꞌadi mare.

Profet Jeremaea 25:18

Iara ginauna tufa waen igne ka naiknodi Jerusalem ghe Juda, baludi mae king nei mae funei biꞌo, fagaglanagna nate groꞌe mare na. Eghuteuna kate filoni naiknore kantri Juda te krogha te vuhai namono nagou igne, naiknore ginauna mhaghu nodi fara, na cheke fadiꞌadi mae naoka igre eigna unha te eni mare te ghilei mei posa ka narane gognarogne.

Ululahu Kings 9:8

Eghuteuna Sugablahi igne ginauna na jateula kaisei bukrei thina eghu kolho. Aonu naikno te liu jare na ginauna rhana nodi, nei jaglo nodi eghu fara. Aonu mare na cheke eghu, ‘Naugna unha si Lord te goigoni ni namono igne balugna Sugablahi ignea?’

Diutronomi 28:37

Aonu ka namono aheva Lord nate kuru tei ghami ghotilo tuana, naiknore ginauna tirodi filo ghami, cheke goigoni ghami, nei na nagho ghami eghu ghotilo.

Luku 21:20

Mae Jisas ne cheke eghu, “Kate filodi ghotilo mae soldia te kafe khegra falithuni Jerusalem, ghotilo na laseni mare namo phaꞌe namono biꞌo Jerusalem.

Profet Habaku 3:17

Neuba tahati ne au ka puhi biꞌo, jateula gaju fig, gaju grep, gaju oliv teu igre ginauna theo fuꞌadi, nagare igre theo ganodi, sipu nei buluka teu igre ginauna kafe lehe, God ginauna togho ghita!

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Daniel 9:2

Ka finogha ululahu te king mae Darius igne, iara ne hironi chekegna God na ka Buka Blahi na. Ka igne iara ne ghathoni kaisei nogna cheke Lord teke cheke mana ka profet Jeremaea. Mana neke cheke eigna namono biꞌo Jerusalem teke groꞌe ka mae naoka ra. Eghuteuna namono biꞌo igne ginauna theome tangomana na teke babana fapulo na ghilei thokeni fitu salei finogha.

Lamentations 5:18

Ghehati au diꞌanagnafa nei tanhi eghu fabrahu, naugna Thogele Saion na la vuhai namono nagou aheva khuma mata kolho te au jare na.

Lamentations 4:12

Theo kaisei king ba kaisei fiti mae kolho ka nauthoglu igne te fatutuani nate ruma lamna mae naoka te goigoni ni namono biꞌo Jerusalem.

Profet Jeremaea 44:22

Diꞌatagna God na biꞌo fara eidi glepo te diꞌa fara te edi ghotilo ra. Naugna igne, mana neke thofno goigonidi fara nomi kantri ghotilore. Eghuteuna kantri igre gognarona theo kaisei naikno te au tadire. Eghuteuna, naiknore ginauna tibri ghami ghotilo mala thoke mei puhi biꞌo ka ghotilo.

Profet Jeremaea 44:2

Aonu profet ne cheke eghu, “Lord mae ihei te au nolaghi fateote'o nei nodi God maedi Israel teu igne, mana ne cheke eghu, Ghotilo filonihi puhi biꞌo te snakreni iara te thokeni Jerusalem nei ka keha nomi namono ghotilo ra. Gognarona, theo kaisei naikno te au ka namono, nei ka suga teu ra, eghuteuna gringni thina biꞌo ia la thono diꞌa farahi,

Profet Jeremaea 25:38

Lord kegra haghe na mei jateula lion te mei funu ka nogna vido mala poru ra eghu. Lord na kuru meidi mae naokare mala goigoni nodi namono mare na, naugna mana ne thono diꞌatagna fara ka mare.

Profet Isaia 64:10

Nou namono blahi iagho igre jateula kaisei namono nagou te theo kaisei naikno te au tadira eghu. Uve, Jerusalem gognarona thofno diꞌa fara, eghuteuna theo kaisei naikno te au tagna na.

Profet Isaia 24:1

Tore! Lord na la namo goigoni nauthoglu igne eghuteuna ginauna theo kaisei glepo nate au tagna na. Glose igne ginauna diha jateula narane te nakheu ra eghu, eghuteuna naiknore ginauna rikha tafri tei delei ka keha vidoi ka nauthoglu igne.

Profet Isaia 6:11

Aonu iara ne ghusna eghu, “Lord, niha nau gnafa nga iara ka gloku igne?” Mana ne cheke eghu ka iara, “Ginauna au eghu ghilei thoke mei narane namono te gnafa Israel igre na krogha nei diꞌa fara teuna,

Profet Isaia 5:9

Iara nomhini Lord mae ihei te au nolaghi fateote'o igne ne cheke eghu, “Tutuani fara, nomi famane suga biꞌo ghotilo are ginauna krogha, eghuteuna nomi chogho ghotilo are ginauna theo kaisei naikno nate au tadi re.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Profet Jeremaea 12:11

Mare ginauna eni nogu glose iara igne mala theo kaisei glepo nate tangomana nate kotu tagna na. Glose igne ginauna krogha kolho, eghuteuna naꞌa na jateula glose te tanhi ka iara ra eghu. Uve, hatimare mae naoka igre goigoni nogu glose iara na, eghuteuna theo kaisei nate kokhonini na.

Profet Jeremaea 33:10

“Lord ne cheke eghu: Tutuani fara! Ghotilo cheke eghu koba, ‘Namono igne thono diꞌa fara jateula namono nagou te theo kaisei naikno, ba kaisei glepo te tautagu te au tagna ra eghu.’ Eghuteuna cheke igne thofno tutuani fara. Namono Juda nei nabrou biꞌo ka namono Jerusalem igre eghu thono krogha fara theo kaisei naikno nei theo kaisei glepo te tautagu eghu te au jare na. Nu ke leghu na, ka namono igre naiknore ginauna tangomana te nomhidi