Levitikas 26:31 - Buka Blahi Ka Cheke Holo

³¹ Iara ginauna goigoni fahui nomi namono ghotilo are, eghuteuna paꞌe soru nomi vido blahi ghotilo are. Iara ginauna tirogudi sisiridi nomi fafara ghotilo are.

Levitikas 26:31 ပူးပေါင်းရင်းမြစ်များ

Nehemaea 2:3

ne cheke eghu ka king, “Iagho king fabrahu tifa tifa! Uve, iara diꞌanagnafagu fara, naugna nogu namono iara aheva teke giugiludi vikegu iara tagnara la groꞌehi. Eghuteuna grengathagna gringni thina na la gnhubrahi ka khaꞌaghi.”

Hibru 10:26

Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Profet Esikiel 9:6

Ghotilo aknu falehe hui goro mae biꞌo, mae majaghani, goro gaꞌase majaghani, idodi te gnafa baludi thudi mare re. Nu ihei te au fagaglana ka greregna na, ghotilo thosei aknu falehedi. Ghotilo ginauna funu aknu falehe mei ka nogu Sugablahi iara gno.” Aonu, mare ne fufunu aknu falehe mae mala baubatu te au ke ulugna Sugablahi na.

Lamentations 2:7

Mana tirognani nogna olta na, ne lisani nogna vido blahi na. Mana snakredi mae naoka re mala mei paꞌe soru gringni thinagna Sugablahi igne. Tifa na naiknore neke eha fabiꞌo mala glealeꞌa ka narane biꞌo ra. Jaola mae naoka eha fabiꞌo, naugna mare ne uluni namono na.

Lamentations 1:10

Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Profet Jeremaea 4:7

Mare ginauna na jateula lion te jifla mei ka nogna vido mala poru ra eghu. Mare na mei goigonidi fara nomi namono ghotilo igre. Eghuteuna theo kaisei naikno nate au teu ka namono igre na.

Mae Khuru 6:14

Ghehati nomhini mana neke cheke eghu, ‘Mae Jisas gna Nasaret igne ginauna na paꞌe soru Sugablahi igne, eghuteuna mana ginauna na tuthughu puhi teke chekedi mae Moses ka tahati ra.’ ”

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Esikiel 24:21

iara mala cheke ka ghotilo naiknomi Israel. Lord God neke cheke eghu: Ghotilo kelitami fara ka nogu Sugablahi iara na. Eghuteuna ghotilo tangomana te poru ka Sugablahi gne mala au fakeli nei fahaehaghe ghami eghu te au ke lamnagna na, nu iara ginauna roꞌe soru Suga igne. Eghuteuna goro sua teke lisei faleghu ghotilo Jerusalem igre ginauna kafe lehe ka magra.

Profet Esikiel 21:15

Gaoghathodi naiknore ginauna glaꞌe soru naugna iara lilisei nogu naflahi na ka grengatha te gnafa ka nodi namono mare na. Thono siasigla fara jateula nakafli ra eghu tarabana mala falehe naikno.

Profet Esikiel 21:7

Eghuteuna jame te ghusna eghu mare ka iagho na, ‘Naugna unha sagho te diꞌanagnafa nei tanhi teu fabrahu gnea?’ Iagho ginauna cheke eghu ka mare, ‘Iara diꞌanagnafagu fara, naugna iara laseni kaisei nonomho te diꞌa ginauna mei ka ghotilo. Ghotilo ginauna mhaghu nomi fara, eghuteuna khamemi nei ghahemi teu ghotilo te gnafa re ginau glaꞌe fara ka namhaghu, eghuteuna gaoghathomi ghotilo re ginauna glaꞌe soru, eghuteuna ghotilo ginauna jaola nanga nomi fara.’ Nonomho te diꞌa igne ginauna ghosei mei, eghuteuna kate mei na, glepo te diꞌa igne ginauna mei tutuani. Igne nogna cheke Lord God!”

Profet Esikiel 6:6

Ka vido te gnafa aheva te au mare tagna na, mae naokare ginauna goigonidi gnafa nodi namono mare re, eghuteuna paꞌe soru vido blahi, nei olta, nei jaola nodi mumuju te diꞌa mare re. Eghuteuna mare ginauna jaola hata koko nodi olta mare te mala gahu insens tadire. Uve, gobigna lepo teke tarai mare tadi igre, ginauna kafe dofidi hui.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Profet Jeremaea 26:9

Ba, ne keli eghu sagho cheke te diꞌa te edi iagho ka nanghagna Lord ignea? Eigna iagho theome tangomana te chekeni Sugablahi igne ginauna groꞌe jateula namono biꞌo Saelo tifa ia teuna. Iagho jaola theome naba te chekeni namono biꞌo igne ginauna groꞌe teuna, ba na theo kaisei naikno nate au na teuna!” Aonu naiknore ne kafe mei khapru faligohoni mae Jeremaea ke lamnagna nogna Sugablahi Lord na.

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Profet Jeremaea 22:5

Nu jame te theome leghuni ghotilo nogu cheke iara igre na, tutuani fara, iara ginauna goigoni ni fara suga biꞌo igne.’ ”

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Profet Isaia 1:7

Nomi naoka ghotilore la gnubrahi nomi namono ghotilore nei goigonihi nomi kantri ghotilore. Mare blau gano ka nomi nagare ghotilore kate filo teu kolho ghotilo na. Maedi ka keha namonoi te mei goigonidi gobigna lepo ka nomi kantri ghotilo igne.

Nehemaea 2:17

Nu ka narane igne iara ne cheke eghu ka mare, “Ghotilo la lasenihi puhi biꞌo te thoke ghita tahati igne. Gringni thina gna namono Jerusalem igne la nghuja tafri la khoko pari, eghuteuna grengatha igre la gnubrahi ka khaꞌaghi. Tahati nake babana fapulo gringni thina igne, mala theome mamaja noda fabrahu tahati tagna.”

Fapea Kronikols 36:19

Aonu mare ne gnubra nogna Sugablahi God na, balugna nogna suga biꞌo king na, nei keha suga Jerusalem, nei jaola famane glepo te gnafa re. Mare jaola ne paꞌe soru gringni biꞌogna namono Jerusalem te bara te ligoho ka thina na.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Profet Isaia 6:11

Aonu iara ne ghusna eghu, “Lord, niha nau gnafa nga iara ka gloku igne?” Mana ne cheke eghu ka iara, “Ginauna au eghu ghilei thoke mei narane namono te gnafa Israel igre na krogha nei diꞌa fara teuna,

Profet Isaia 63:18

Ghehati nou naikno blahi iagho te au katha vido kmo'ei kolho ka nou vido blahi iagho igne. Nu mae naoka igre mei ngolhi fajifla ghami ka nomi namono re. Mare gognarona la mei goigonihi nou namono blahi iagho igne.

Profet Jeremaea 44:2

Aonu profet ne cheke eghu, “Lord mae ihei te au nolaghi fateote'o nei nodi God maedi Israel teu igne, mana ne cheke eghu, Ghotilo filonihi puhi biꞌo te snakreni iara te thokeni Jerusalem nei ka keha nomi namono ghotilo ra. Gognarona, theo kaisei naikno te au ka namono, nei ka suga teu ra, eghuteuna gringni thina biꞌo ia la thono diꞌa farahi,

Profet Jeremaea 44:6

Naugna igne, iara falalase diꞌatagu na ka mare jateula khaꞌaghi ngaja te theo kaisei naikno te puri faleheni ra eghu. Iara neke goigoni namonodi Juda, nei nabrou te gnafa Jerusalem. Uve, glepo igre diꞌa fabrahu ghilei mei posa ka narane gognarogne.

Profet Daniel 2:46

Aonu, King Nebukadnesa nomhini nogna cheke mae Daniel igne ne pogho soru pari ke ulugna mae Daniel. Aonu mana ne cheke faheta ka nogna mae glokure mala fafara lao keha glepo ka mae Daniel.

Profet Emos 7:9

“Iara ginauna goigoni vido te mala tarai naiknodi Israel. Eghuteuna iara ginauna aknu falehe gnafa naikno te karha mei ka vikegna King Jeroboam.”

Profet Sefanaea 3:6

Lord ne cheke eghu, “Iara neke roꞌedihi naikno te gnafa, baludi nodi namono te bara te maku teu igre. Eghuteuna ginauna na theo kaisei naikno nate nolo tafri ke lamnagna nabrou na, naugna theo kaisei naikno te au faleghu na.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Profet Jeremaea 4:26

Namono te keli ia kela kaisei namono nagou kolho. Eghuteuna namono te gnafa teke au ka vido tuana ra jaola groꞌe dofidi, naugna Lord ne diꞌatagna fara ne snakredi mae naoka igre ne eni nafnata puhi igne.

Profet Jeremaea 4:27

Lord ne cheke eghu, “Nauthoglu igne ginauna krogha, nu iara na theome goigonini eghu.

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Profet Esikiel 12:20

Namono te fodu ka naikno gognaro igre, ginauna krogha, eghuteuna vido glose te falithui di mare are ginauna jaola krogha. Ka narane tuana, ghotilo ginauna thofno laseni te iara Lord.’ ”