Levitikas 26:30 - Buka Blahi Ka Cheke Holo

³⁰ Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.

Levitikas 26:30 ပူးပေါင်းရင်းမြစ်များ

Fapea Kings 23:20

Mana ne aknu falehe mae pris te loku ka vido blahi igre. Eghuteuna mana ne gnubra nhubradi mae igre ka olta igre. Ke leghudi igre mana neke figri Jerusalem.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Profet Esikiel 6:13

Kate filodi mare thinidi kheradi te lehe te thuru tafri kolho rhedi mumuju, nei olta, nei ke kligna thogele, nei ke pari gaju blahi, nei ke pari gaju biꞌo, eghu aheva mare teke fafara nei gahu insens ka mumuju teku re. Ka narane tuana, mare ginauna laseni te iara ngala Lord na.

Profet Jeremaea 14:19

Lord, naugna unha sagho te figri tagruni kantri Juda gnea? Naugna unha sagho te theome magnahagheni namono biꞌo Saion gnea? Naugna unha sagho te fakabru ghami ghehati te theome tangomana ghehati teke keli fapulo gnea? Ghehati magnahaghei fara te au ka pharikeli, nu theo kaisei glepo te keli te thoke mei na. Ghehati magnahagheni fara te gnafa fogra igne, nu puhi biꞌo kolho te mei te mhaghu nomi fara ghehati na.

Nodi Khoje Hatimare Mae Jiu 89:38

Nu Lord God, mae king teke vavahi iagho ia, gognaro na iagho kela diꞌatamu ka mana. Uve, iagho tirounihi mana, la lisa kokonihi mana.

Fapea Kronikols 31:1

Kate gnafa Gaghamu Ghasa-Polho igne, naiknore ne tei ka namono te gnafa Juda igre ne pike nguanguja khegra thina brahure, eghuteuna mare kato soru pari mumuju gna god gaꞌase Asera igne. Eghuteuna mare jaola goigoni nodi vido blahi mae bongihehe nei olta teure. Ke leghu, mare jaola ne eni nafnata puhi igne ka keha vido ka namono Juda nei ka namono ka nohi Benjamin, nei ka nohi Efrem, nei ka nohi Manase. Aonu naiknodi Israel igre neke figri ka namonodi re.

Fapea Kronikols 23:17

Aonu naiknore ne leghuni nogna cheke mana igne ne kafe tei paꞌe soru nogna Sugablahi Baal igne. Eghuteuna mare ne goigoni olta te gnafa nei mumuju te gna teu ka vido igne. Eghuteuna mare ne aknu faleheni mae Matan nogna pris Baal igne rhegna olta na.

Fapea Kings 23:16

Mae Josia efra tafri ne filoni kaisei beku jare ka thogele na, aonu mana chekedi nogna mae gloku re ne tei hata fajifla nhubra igre. Mare hata ne mei mala gnubra ka vido blahi na mala goigoni ni vido igne. Ka puhi igne, chekegna Lord teke chekeni kaisei nogna mae gloku God tifa na ne thoke mei tutuani.

Fapea Kings 23:8

Mae Josia ne hata nogna mae pris Lord te au Juda igre ne kafe mei Jerusalem. Mana ne goigoni nodi vido blahi naikno bongihehe te gnafa igre funu ke raru Geba tei posa ke mata Bereseba. Eghuteuna mana jaola goigoni vido blahi te au fei maeri rhegna grengatha aheva gavana Josua teke eni bara thina gna Jerusalem.

Ululahu Kings 13:2

Eigna Lord ne diꞌatagna fara ka olta igne ne cheke ranghini mae profet igne mala tei cheke eghu mana. “Iagho olta! Igne unha teke chekeni Lord na, ‘Kaisei mae sua ginauna karha mei ka vikegna mae Devet, nanghagna na mae Josia. Mana ginauna hata mae pris teke fafara ke klignamu iagho ra mala falelehe ke klignamu iagho. Eghuteuna mana ginauna gahu nhubradi re ke klignamu iagho.’ ”

Levitikas 26:15

Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Levitikas 26:11

Iara ginauna au balumi ghotilo, eghuteuna iara ginauna theome thodo ghami ghotilo.

Levitikas 20:23

Ghotilo ginauna mala thosei leghudi nodi kastom te diꞌa naikno bongihehe gna kantri teke brue fajifladi iara ra, mala tei au ghotilo tagna. Naikno bongihehe igre neke edi kmana glepo te diꞌa, iara thofno tirogudi mare.

Jenesis 19:13

Naugna ghepa ginauna na roꞌeni namono igne. Lord la nomhidihi thua nafnata puhi te diꞌa fara te edi ka namono igne re, eghume mana neke kuru mei ghami ghepa mala roꞌeni namono igne.”

Diutronomi 32:19

“Lord na filodi glepo igre ne tirogna ghami ghotilo, naugna mana diꞌatagna fara ka ghotilo thugna nalhaꞌu nei gaꞌase teu mana re.”

Ululahu Kings 13:32

Uve, chekegna Lord teke chekedi nogna mae gloku God ranghini olta gna Betel nei ranghidi vido blahi te gnafa ka namono Samaria teu igre ginauna thoke mei tutuani.”

Nodi Khoje Hatimare Mae Jiu 106:40

Aonu Lord ne thono diꞌatagna fara ne tirognadi nogna naiknore.

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.

Profet Emos 6:8

Lord, God mae ihei te au nolaghi fateote'o igne neke nhaꞌa chekehi ka nanghagna thegna. Igne chekegna Lord na, “Iara theome magnahagheni puhidi naiknodi Israel te fahaehaghe fara igre, eghuteuna iara theome gleꞌadi nodi vido mala poru mare igre. Eghume, nodi namono biꞌo lahu mare igne baludi gobigna lepo fateote'o te au ke lamnagna igre ginauna lisa lao ka mae naoka.”

Profet Emos 7:9

“Iara ginauna goigoni vido te mala tarai naiknodi Israel. Eghuteuna iara ginauna aknu falehe gnafa naikno te karha mei ka vikegna King Jeroboam.”

Profet Jeremaea 16:18

Iara ginauna phei fata para ghami ghotilo eidi nakhibomi ghotilore, naugna ghotilo ne goigoni nogu namono iara igne ne diꞌa ka tathagu iara na. Uve, nogu namono iara igne fodu ka nomi mumuju ghotilo te theo karha tadi igre.” Igne chekegna Lord.

Profet Esikiel 16:39

Iara ginauna snakre lao nigho iagho ka hatimare mae nalhaꞌu are, eghuteuna mare ginauna paꞌe soru vido aheva te eni iagho nogna gloku vine tagna na, nei nou vido mala tarai iagho ka mumuju na. Mare ginauna hata nou gobigna lepo te keli iagho teke horo mare ka famane thina re, eghuteuna hata koko nou famane pohe te keli iagho re, mala soesole kolho iagho.

Profet Hosia 10:2

Mae igre thofno mae chaichaghi fara, eghuteuna mae igre ginauna au papara eidi nakhibo teke edi mare igre. Uve, na theome raugha God ginauna paꞌe soru olta igre. Eghuteuna mana ginauna puri nguanguja thina teke fakegra haghe mare igre.