Levitikas 26:3 - Buka Blahi Ka Cheke Holo

³ “Jame te leghudi ghotilo nogu vetula nei faꞌuvedi nogu cheke iara re teuna,

Levitikas 26:3 ပူးပေါင်းရင်းမြစ်များ

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Profet Jeremaea 11:4

Nhaꞌa cheke teke eni ka narane teke atha fajifladi iara ka kantri Ijep kuꞌemi ghotilo ra aheva teke au papara fara mare tagna na.” Iara neke cheke eghu ka mare, “Fanomho fakeli ka nogu cheke iara igre, eghuteuna leghudi gobigna lepo mala edi ghotilo teku iara ra! Jame te leghu ghau iara ghotilo na, ghotilo ginauna nogu naikno iara, eghuteuna iara nomi God ghotilo.

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Levitikas 19:25

Leghu lahu na, ka falima finogha na ghotilo tangomana te ghamu sisi na. Jame te leghuni ghotilo igne na, iara ginauna fablahidi nomi gaju ghotilo re, mala ure kmana sisi, naugna iara Lord, nomi God ghotilo.

Nehemaea 1:9

Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’

Profet Isaia 30:23

Ka narane tuana, Lord ginauna kuru soru mei nakhete mala karha unha teke joꞌu ghotilo ka nagare ra. Ghotilo ginauna au ghemi kmana gano, eghuteuna nomi buluka, sipu, nanigot nei hose teu are ginauna na jaola au ghedi kmana buburu te mala ghamu na.