Levitikas 26:22 - Buka Blahi Ka Cheke Holo

²² Iara ginauna kuru tei glepo tautagu mala kathu falehe thumi ghotilo re, baludi nomi glepo tautagu ghotilo re. Eghume ginauna na phei ba thiloi kolho nate karha na ghilei theo kaisei nate au te mala nolo ka nomi nabrou ghotilo are.

Levitikas 26:22 ပူးပေါင်းရင်းမြစ်များ

Profet Esikiel 14:15

“Iara eni nogu nhaꞌa cheke te rheta igne ka nanghagu iara Lord mae ihei te karha te tifa: Neuba, jame au meu thilo mae igre ka kantri igne meuna, iara ginauna kurudi kolho khuma mhata re mala falehedi gnafa kehare. Theo kaisei naikno nate tei salaꞌu ka kantri te krogha igne, naugna mare mhaghudi khuma mhata igre. Eghuteuna neuba jame thudi thilo mae igre ne au neu ka namono igne, thilo mare ginauna na jaola theome tangomana te fakarhidi mare na. Thilo mare ginauna tangomana te fakarhidi kolho thedi, nu namono igne ginauna thono diꞌa fara.

Diutronomi 32:24

Ghotilo ginauna lehe ka grofo, nei ka fagrutu, nei ka kmana nafnata fogra te diꞌa. Iara ginauna kuru mei khuma mata mala ngolhi ghami ghotilo, eghuteuna mogo phanaga ginauna mei kathi ghami ghotilo.

Jajis 5:6

“Ka narane gna Samga, thugna Anat, nei ka narane gna Jael, naiknore magnahaghe te leghudi nabrou te ikodire kolho, naugna nabrou biꞌo re theome keli.

Profet Sekaraea 7:14

Naugna te eni mare igne, iara mei jateula saeklon eghu mala kafe brue teidi delei mala tei au tafri ka keha kantri delei. Eghuteuna famane glose teke kulu au mare tadira, krogha, mala theo kaisei naikno tangomana te au tagna na.”

Lamentations 1:4

Nabrou te mala tei ka namono Jerusalem na krogha fara, nei diꞌanagnafa eghu, naugna theo kaisei naikno te mei ka narane biꞌo re. Eghuteuna grengatha re jaola krogha eghuteuna hatimare mae pris jaola tanhi nodi. Eghuteuna goro gaꞌasedi re au papara, eghuteuna Thogele Saion thofno diꞌa parilahu.

Profet Isaia 33:8

Theo kaisei naikno te leghudi nabrougna kantri igne, naugna thono faꞌiho fara te mala leghudire. Eghuteuna mare la huhughudihi u nhaꞌa cheke teke edi mare ka naiknodi keha kantri ra, eghuteuna theo kaisei naikno te ghatho tahudi naikno te tajini nhaꞌa cheke igne.

Fapea Kings 17:25

Kate funu mei sukha jare na, mare neke theome tarai ka Lord, aonu mana ne kurudi lion re ne tei ghamu keha ka mare.

Levitikas 26:6

“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Esikiel 33:28

Eghuteuna iara ginauna goigoni glose igne mala theo nafugna kolho. Ghotilo fahaehagheni nomi nanheta na, nu iara ginauna hata fadelei ka ghotilo nanheta igne. Eghuteuna thogele te gnafa Israel igre ginauna soro diꞌa fara eghuteuna naiknore ginauna tirodi nolo tei kasa tagna.

Profet Esikiel 14:21

“Iara Lord iara cheke eghu: Ghotilo naiknomi Jerusalem. Ginauna na thono diꞌa fara salaꞌuni narane teke snakredi iara fati papara biꞌo igre ka ghotilo ra. Iara ginauna kuru mei narane mala magra, nei narane mala rofo, nei khuma mhata, nei kaisei fogra diꞌa mala lehe fahui naikno te gnafa nei glepo tautagu te gnafa eghu Jerusalem.

Profet Esikiel 5:17

Thumi ghotilo re ginauna lehe ka grofo, eghuteuna iara ginauna jaola kuru mei khuma mhata mala falehedi mare. Iara ginauna snakre ghami ghotilo mala lehe ka kaisei fogra te diꞌa eghuteuna snakreni magra na mala thokedi namono ghotilo gre. Iara Lord te chekeni igne.”

Profet Jeremaea 15:3

“Iara Lord ginauna kurudi fati glepo mala goigonidi mare: Mae naokare ginauna mei falehedi mare. Khumare ginauna mei tungnu fadelei thinidire. Eghuteuna nanghaji nei glepo tautagu teu igre ginauna ghamu fateo thinidire.

Profet Isaia 24:6

Naugna igne, hoholo biꞌo ginauna thokeni nauthoglu igne. Eghuteuna naikno ka nauthoglu igne na au papara eigna nodi najafra fateote'o. Eghuteuna ginauna na theome kmana ka mare nate au teu ka nauthoglu igne.

Fapea Kronikols 15:5

Tifa ka narane tuare, theome keli te tei ka keha vidore, naugna kmana thua nafnata hoholo au ka vido te gnafa re.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.