Levitikas 26:15 - Buka Blahi Ka Cheke Holo

¹⁵ Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Levitikas 26:15 ပူးပေါင်းရင်းမြစ်များ

Fapea Kings 17:15

Mare tirodi leghudi nogna farirhiu mana re, eghuteuna mare tirodi tajini u nhaꞌa cheke teke eni mana ka mae kuꞌedi mare tifa ra. Mare theome ghatho branadi nogna cheke mana re. Mare tarai ka mumuju te theo nafudi re, naugna igne, mare jaola theo nafudi. Neuba Lord ne cheke ranghidi mala thosei leghudi puhidi naikno te au faligohodiare neu, nu mare edi ngala glepo mala thosei edi teku Lord re.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Profet Esikiel 16:59

“Iara Lord God ne cheke eghu: Jerusalem! Iara ginauna tusu ari papara biꞌo ka iagho gijagna puhimu iagho te thono diꞌa fara na, naugna iagho ne theome tajini kolho nhaꞌa cheke teke eni iara balumu iagho tifa ia.

Profet Jeremaea 11:10

Mare figri neke edi puhi teke edi mae kuꞌedi tifara ne tirodi fanomho ka nogu cheke iara re. Mare theome gnafa te tarai ka mumuju god na. Hatimare mae Israel tifara nei hatimare mae Juda gognarogre, mare kafe huhughuni u nhaꞌa cheke teke eni iara baludi mae kuꞌedi mare tifara.

Profet Isaia 24:5

Naikno ka nauthoglu igne na goigoni nauthoglu igne na vuhai chara ka tathagna Lord, naugna mare ne huhughuni nogna vetula God na, nei nhaꞌa cheke teke eni mare balugna God mae ihei te au fabrahu tifa te tifa.

Naba 15:31

Naugna te theome leghudi mana nogna cheke nei nogna vetula teu Lord na, uve, mana nabagna te mala au papara na nei mana jaola mala jifla ka naiknodi Israel gre.’ ”

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Mae Khuru 13:41

“ ‘Ghotilo naikno te maꞌeni God ra, filo mala jaglo nomi. Ghotilo ginauna lehe! Naugna iara na eni kaisei nogu gloku gognaro na. Eghuteuna neuba mare ne chekeni ka ghotilo eigna igne, ghotilo ginauna na theome fatutuanidi unha te nomhidire.’ ”

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Proveb 5:12

Eghuteuna iagho ginauna cheke eghu, “Iara thono fameomekro fara! Naugna iara neke tirogu leghuni puhi te doglo na, nei tiroguni mae te mala fadogli ghau na!

Proveb 1:30

Kate magnahaghe fadogli ghami ghotilo teu iara na, ghotilo tiromi fanomho ka nogu farirhiu iara re.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Nodi Khoje Hatimare Mae Jiu 50:17

Ghotilo tiromi fara te mala farirhiu ghami iara na, eghuteuna leuleghu fata na ghotilo tiromidi chekegu iara re.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Levitikas 26:43

Nu ulu lahu na, mare mala tei kokoni glose igne, mala tangomana glose igne mala gnafa fakeli kate krogha na. Eghuteuna mare te gnafa na mala papara naugna ghotilo neke figri tagru ghau iara, eghuteuna ghotilo tiromi leghudi nogu vetula iara re.

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Levitikas 26:11

Iara ginauna au balumi ghotilo, eghuteuna iara ginauna theome thodo ghami ghotilo.

Ululahu Samuel 12:15

Nu jame te theome leghuni ghotilo Lord te figri tagruni nogna cheke mana na, mana ginauna figri tagru ghami ghotilo jateula teke figri tagrudi mana kuꞌemi ghotilo tifa ra eghu.

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.