Levitikas 26:13 - Buka Blahi Ka Cheke Holo

¹³ Ulu lahu na ghotilo neke loku jateula naikno sneka neku Ijep, nu iara nomi Lord God ghotilo neke hata fajifla ghami ka vido tuana. Eghuteuna iara kukusu chen teke edi mare teke hata ghami ghotilo mala thofno snagla ghotilo.”

Levitikas 26:13 ပူးပေါင်းရင်းမြစ်များ

Profet Esikiel 34:27

Gaju re ginauna ure kmana sisi, eghuteuna nagare na ginauna au kmana gano tagna. Eghuteuna mare te gnafa na ginauna tangomana te au fakeli ka nodi glose na. Iara ginauna kusu chen teke harudi kate loku mare jateula naikno sneka teku igre mala snagla ke tei nodi mare. Naudi glepo igre, mare ginauna lase fakeli ghau iara Lord.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Levitikas 25:38

Ghotilo mala edi glepo igre naugna iara Lord, nomi God ghotilo. Iara neke hata fajifla ghami ghotilo Ijep, mala tusu mei kantri Kenan igne ka ghotilo, eghuteuna mala nomi God ghotilo.”

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Levitikas 25:55

Ghotilo naiknomi Israel ra nogu iara. Iara neke hata fajifla ghami ghotilo Ijep, uve, ghotilo nogu naikno gloku iara Lord nomi God ghotilo.”

Profet Isaia 51:23

Nu iara ginauna na lisa lao kapu igne ka khamedi mae te para ghami ghotilo igre. Eigna mare neke fathuru ghami ghotilo pari, eghuteuna tapla ke klignami ghotilo jateula chara neku.”

Levitikas 25:42

Ghotilo naiknomi Israel, iara neke hata fajifla ghami Ijep aheva ghotilo teke sneka tagna. Tutuani, ghotilo nogu naikno gloku iara Lord. Naugna igne blahi kaisei ka ghotilo te mala sneka ka keha mae na.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Profet Esikiel 30:18

Maedi Ijep gre fahaehaghedi fara nodi nanheta na, nu iara ginauna fahuhui nodi nanheta te fnakno mare igne. Ka narane igne gromno na ginauna mei toku tafru namono Tapanes. Eghuteuna gromno biꞌo igne ginauna mei toku tafru vido te gnafa ka kantri Ijep. Eghuteuna mae naokare ginauna hata naiknodi namono re mala tei naikno sneka ka keha kantri delei.

Profet Hosia 11:4

Iara neke edi gobigna lepore ranghidi jateula kaisei thugu thegu te thofno namhani fara ra neku neke fakarhidi nei faꞌimadi neku.

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Profet Isaia 9:3

Lord, iagho fagleꞌa ghami ghehati fara. Uve, ghehati kelitami fara jateula naikno te tei pulei gano ka nagare ra eghu, ba jateula soldia te glealeꞌa te tufa glepo teke hata ka magra ra eghu.

Profet Jeremaea 28:2

“Lord mae ihei te au nolaghi fateote'o, nei noda God tahati maeda Israel teu igne, mana ne cheke eghu: ‘Iara ginauna kina lopi nogna nolaghi king gna Babilonia.

Profet Jeremaea 28:4

Iara ginauna na jaola ke atha fapuloni King Jehoiakin, thugna king Jehoiakim, baludi naikno teke atha teke tei mare Babilonia ra. Iara ginauna kina lopi nogna nolaghi king gna Babilonia, jateula mae te atha koko vido thaba ka grara gna buluka na ia eghu. Igne chekegna Lord.’ ”

Profet Nahum 1:13

Iara ginauna hata fadelei ka maedi Ninive igre u nolaghi te haru ghami ghotilo fabrahu jateula chen maku teu igne mala snagla ghotilo.”