Levitikas 26:11 - Buka Blahi Ka Cheke Holo

¹¹ Iara ginauna au balumi ghotilo, eghuteuna iara ginauna theome thodo ghami ghotilo.

Levitikas 26:11 ပူးပေါင်းရင်းမြစ်များ

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Eksodas 29:45

Iara ginauna au baludi naiknodi Israel mala nodi God mare fabrahu.

Efesus 2:22

Eigna ghotilo kaisei balugna Kraes, ghotilo jaola mala kaisei baludi naikno khiloau aheva te au God mae Tharunga te Blahi.

Nodi Khoje Hatimare Mae Jiu 106:40

Aonu Lord ne thono diꞌatagna fara ne tirognadi nogna naiknore.

Nodi Khoje Hatimare Mae Jiu 76:2

Namonogna God na Jerusalem. Uve, mana au ka Thogele Saion.

Levitikas 20:23

Ghotilo ginauna mala thosei leghudi nodi kastom te diꞌa naikno bongihehe gna kantri teke brue fajifladi iara ra, mala tei au ghotilo tagna. Naikno bongihehe igre neke edi kmana glepo te diꞌa, iara thofno tirogudi mare.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Ululahu Kings 8:13

Nu gognarona iara la enihi nou famane Sugablahi iagho na, kaisei vido te mala au fabrahu iagho tagna.”

Josua 22:19

Jame te ghathoni ghotilo nomi glose na theome gae ka tathagna Lord teuna, te keli na ghotilo mei ka nogna glose Lord aheva te au nogna Suga Tapuale te Blahi tela auhi mana tagna na. Ghotilo tangomana te hata keha glose agne balumi. Nogna olta Lord na la auhi agne na! Nu kate eni ghotilo keha olta na, unha te eni ghotilo igne filogna na jateula ngau tahati te gnafa na kafe figri tagruni mana.

Lamentations 2:7

Mana tirognani nogna olta na, ne lisani nogna vido blahi na. Mana snakredi mae naoka re mala mei paꞌe soru gringni thinagna Sugablahi igne. Tifa na naiknore neke eha fabiꞌo mala glealeꞌa ka narane biꞌo ra. Jaola mae naoka eha fabiꞌo, naugna mare ne uluni namono na.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Diutronomi 32:19

“Lord na filodi glepo igre ne tirogna ghami ghotilo, naugna mana diꞌatagna fara ka ghotilo thugna nalhaꞌu nei gaꞌase teu mana re.”

Profet Sekaraea 11:8

Keha thilo mae sipu mala reireghi sipu te loku fodu ghehati igre theome magnahaghei ghau iara, thilo mare theome keli ranghi ghau iara ghilei babaꞌo iara ka thilo mare. Naugna igne, ke lamnagna kaisei nhigra iara ngholhi fajifladi thilo mare.

Nodi Khoje Hatimare Mae Jiu 78:59

Kate filodi mana glepo igre, mana ne hongoni fara ka mare ne thono diꞌatagna fara.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Eksodas 29:46

Mare ginauna laseni, iara Lord nodi God mare, mae ihei teke atha fajifladi Ijep, mala tangomana iara te au baludi fabrahu. Iara Lord, nodi God mare.”

Levitikas 26:15

Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Levitikas 26:43

Nu ulu lahu na, mare mala tei kokoni glose igne, mala tangomana glose igne mala gnafa fakeli kate krogha na. Eghuteuna mare te gnafa na mala papara naugna ghotilo neke figri tagru ghau iara, eghuteuna ghotilo tiromi leghudi nogu vetula iara re.

Levitikas 26:44

Nu ka narane tuana kani au nga teu mare ka nodi kantri mae nodi naoka re, iara ginauna theome tangomana te thofno lisa kokodi mare, ba thododi mare, mala goigonidi mare hui. Eghuteuna iara theome tangomana te huhughuni nogu nhaꞌa cheke baludi mare ia, naugna iara Lord, nomi God ghotilo. Iara ginauna toghodi mare, naugna iara ginauna ghathoni nogu nhaꞌa cheke iara ia. Nhaꞌa cheke igne iara neke eni balumi ghotilo kani teke hata fajifla ghami iara Ijep ka tathadi keha naikno ra mala nodi God mare. Iara Lord.”

Fapea Samuel 7:7

Iara neke vavahi mae te mala baubatudi nogu naiknore, nu ka vido aheva te tei iara baludire iara neke theome cheke eghu ka mare, “Naugna unha si ghotilo te theome horo kaisei suga ka gaju sida te mala au iara gnea?” ’

Ululahu Kings 6:13

Uve, iara ginauna au balumi ghotilo naiknomi Israel, eghuteuna iara ginauna na theome tei koko ghami ghotilo nogu naikno iara ra.”

Profet Joel 2:27

Ghotilo maemi Israel, ghotilo ginauna lase fakeli ghau iara nomi Lord nei nomi God te au balumi ghotilo. Theo kaisei god aheva nga Iara ngala. Ghotilo nogu naikno iara ra na theo kaisei naikno nate famamaja ghami ghotilo na.”