Levitikas 26:10 - Buka Blahi Ka Cheke Holo

¹⁰ Gano nate hata ghotilo ka nomi nagare re ginauna kmana fara salaꞌui, ginauna ghotilo naba gano salaꞌuni finogha thongana na. Eghuteuna leuleghu fata kate ari te gnafa finogha na, ghotilo ginauna tangomana te koko fahui gano teke kulu au re mala au kaisei chogho te krogha maladi gano majaghani.

Levitikas 26:10 ပူးပေါင်းရင်းမြစ်များ

Levitikas 25:22

Gano gna fafamno finogha na, ghotilo ginauna tangomana te ghamu te ghilei gnafa ka fahana finogha na. Eghuteuna ka fahana finogha na ghotilo ginauna tangomana teke joꞌu gano majaghani. Eghuteuna ghotilo ginauna ghamu au ngala gano igre ghilei thokeni faheva finogha na teke hata gano ghotilo ka nomi nagare are.”

Luku 12:17

Aonu mae te dedei igne ne ghaoghatho eghu ka nagnafagna thegna na, ‘Tore, na faꞌunha eghu iara ginauna? Iara theo kaisei vido naba te mala liliseidi nogu bukrei gano gre. Uve, igne unha nate eni iara na. Iara ginauna paꞌe soru suga ikodi teke nanhaꞌa gano iara ke lamnadi igre, eghuteuna iara ginauna hohoro suga majaghani ke biꞌodi igrei. Ke leghugna igne iara ginauna lilisei nogu ganore ke lamnadi suga majaghani tuare baludi la keha nogu glepore.

Fapea Kings 19:29

Aonu profet Isaia ne cheke eghu ka King Hesekaea, “Igne kaisei fagaglana nate thoke mei ginauna. Finogha igne ghotilo ginauna ghamu gano te kotu thedi ka nagare di tifa are. Eghuteuna finogha te mei igne, ghotilo ginauna ghamu gano nate kotu haghe ke leghu re. Nu ka fatilo finogha na, ghotilo ginauna tangomana teke loku ka nagare na, mala teke au ghemi gano na, eghuteuna ghotilo ginauna tangomana te joꞌu grep te mala ghamu fuꞌa gna na.

Josua 5:11

Eghuteuna ka keha narane na, mare ne ghamu bali balu bret te theo isi gna na. Igne ululahu te ghamu gano te joꞌu mare Kenan.

Profet Joel 2:24

Uve, vido te mala fagagae wit nei rais bali teura ginauna fodu ka gano, eghuteuna dis biꞌo te mala poji grep nei oliv oel teura ginau fodu salaꞌui ka waen nei oel.