Levitikas 25:55 - Buka Blahi Ka Cheke Holo

⁵⁵ Ghotilo naiknomi Israel ra nogu iara. Iara neke hata fajifla ghami ghotilo Ijep, uve, ghotilo nogu naikno gloku iara Lord nomi God ghotilo.”

Levitikas 25:55 ပူးပေါင်းရင်းမြစ်များ

Levitikas 25:42

Ghotilo naiknomi Israel, iara neke hata fajifla ghami Ijep aheva ghotilo teke sneka tagna. Tutuani, ghotilo nogu naikno gloku iara Lord. Naugna igne blahi kaisei ka ghotilo te mala sneka ka keha mae na.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Ululahu Korin 9:21

Eghuteuna kate loku iara baludi iheire te theome Jiure, iara na jateula mare eghu, eigna mare theome leghuni u vetula na. Iara eni igne te mala tangomana te toghodi iheire te fatutuani ni Kraes. Iara theome huhughuni nogna vetula God na, naugna iara tangomana te leghuni nogna vetula Kraes.

Ululahu Korin 9:19

Neuba, iara kaisei mae snagla, eghuteuna theo kaisei naikno te funei fruni ghau na, iara lisa lao ghau thegu mala kaisei mae sneka ranghidi naikno te gnafa. Iara eni igne mala toghodi naikno kmanare mala fatutuani ni Kraes.

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Letas Teke Riso Tei Mae Pol Ka Khiloau Rom 6:14

Nakhibo na theome tangomana te funei fruni ghami ghotilo te mala goigonidi nakarhamire, naugna ghotilo theome au ke parigna u nogna vetula mae Moses, nu ghotilo au ke parigna nogna khokofakasai God.

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Levitikas 25:54

“Jame te theo kaisei mae te foli fajiflani mae kherami igne, ka Falimafulu Finogha, mana baludi thugnare mala tei snagla.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.