Levitikas 25:54 - Buka Blahi Ka Cheke Holo

⁵⁴ “Jame te theo kaisei mae te foli fajiflani mae kherami igne, ka Falimafulu Finogha, mana baludi thugnare mala tei snagla.

Levitikas 25:54 ပူးပေါင်းရင်းမြစ်များ

Profet Isaia 52:3

Tutuani fara, igne unha te chekeni Lord na, “Kani teke atha ghami mae naokare teke tei loku jateula mae sneka tekura, mare neke theome foli ka sileni kolho. Eghume kate atha fajifla ghami iara na, iara ginauna na theome foli fajifla ghami ka sileni.

Profet Isaia 49:25

Nu Lord ne cheke eghu, “Tutuani fara iara ginauna atha fapulo glepo teke atha mae soldia ra. Eghuteuna iara ginauna fakarhidi naikno teke hata mae te nheta ra. Iara ginauna magridi mae iheire teke magri ghami ghotilo ra, eghuteuna iara ginauna fakarhidi thumi ghotilo ra.

Profet Isaia 49:9

Iara ginauna cheke eghu ka iheire te au ka suga sosolo, ‘Jifla mei ka suga sosolo.’ Eghuteuna iara ginauna cheke eghu ka naikno te au teu kate romno, ‘Ghotilo jifla mei kate phae.’ “Aonu mare ginauna au fakeli jateula sipu te ghamu buburu leghu nabrou nei ke kligna thogele.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Levitikas 25:13

“Jame kaisei naikno neke sabiri nogna glose na ka keha mae, glose tuana mala ke pulo ka mae teke kulu khotogna na igne ka falimafulu finogha.

Levitikas 25:55

Ghotilo naiknomi Israel ra nogu iara. Iara neke hata fajifla ghami ghotilo Ijep, uve, ghotilo nogu naikno gloku iara Lord nomi God ghotilo.”