Levitikas 25:5 - Buka Blahi Ka Cheke Holo

⁵ Gano te karha thedi ka phegra ghotilo ra, ghotilo mala thosei hata malami themi ba mala sabiri. Eghuteuna ghotilo mala thosei pala tei sisidi grep teke hata ka nomi nagare re mala tathajiu malami themi ba mala sabiri. Naugna igne, ghotilo mala eni Sabat ka glose nabagna kaisei finogha mala ghatho tahu ghau iara.

Levitikas 25:5 ပူးပေါင်းရင်းမြစ်များ

Profet Isaia 37:30

“Aonu profet Isaia ne cheke eghu ka King Hesekaea, “Igne kaisei fagaglana malamu iagho na: Ka finogha igne ghotilo ginauna ghamu gano teke karha kolho thedi ka nagaredi tifa ra. Eghuteuna ka finogha te mei gno, ghotilo ginauna ghamu gano nate kotu mei ke leghure. Nu ka fatilo finogha gno, ghotilo ginauna tangomana te loku ka nagare mala hata gano tagna. Eghuteuna ghotilo ginauna tangomana te joꞌu grep mala ghamu sisigna na.

Fapea Kings 19:29

Aonu profet Isaia ne cheke eghu ka King Hesekaea, “Igne kaisei fagaglana nate thoke mei ginauna. Finogha igne ghotilo ginauna ghamu gano te kotu thedi ka nagare di tifa are. Eghuteuna finogha te mei igne, ghotilo ginauna ghamu gano nate kotu haghe ke leghu re. Nu ka fatilo finogha na, ghotilo ginauna tangomana teke loku ka nagare na, mala teke au ghemi gano na, eghuteuna ghotilo ginauna tangomana te joꞌu grep te mala ghamu fuꞌa gna na.

Levitikas 25:4

Nu ka fafitu finogha na, ghotilo mala snakreni glose na mala gnafa. Eghuteuna ka fafitu finogha tuana, ghotilo mala eni jateula narane Sabat eghu ka glose na kaisei finogha mala ghatho tahu ghau iara Lord. Ghotilo thosei joꞌu kaisei gano ka glose na, eghuteuna thosei kato koko gregedi gaju grep eghu ka finogha tuana.

Levitikas 25:6

Neuba ghotilo thosei tobi ka finogha tuana, nu glose na tangomana te favuragha gano ka ghotilo naiknomi Israel. Kaisei gano teke karha thegna na, malami ghotilo, nei maladi naikno sneka, nei maladi naikno gloku, nei maladi naikno phosa te au balumi ghotilo.

Levitikas 25:11

Ka finogha igne, ghotilo thosei joꞌu gano. Eghuteuna ka finogha igne gano teke karha thedi ka phegra ghotilo ra, ghotilo thosei hata tathajiu malami themi ba mala sabiri. Eghuteuna ghotilo thosei te pala sisi grep ka nagare ra tathajiu malami themi ba mala sabiri.