Levitikas 25:48 - Buka Blahi Ka Cheke Holo

⁴⁸ Neuba ne eghu ngau, mae khuma igne au nogna nolaghi te mala kiloni mae thabusigna na mala ke mei foli fajifla ka mana.

Levitikas 25:48 ပူးပေါင်းရင်းမြစ်များ

Nehemaea 5:5

Neuba tahati mae Jiu gre ne kaisei vike kolho, eghuteuna thuda tahati gre kaisei nanaba ngala ka thudi keha kherada mae Jiu igre neu, nu ghehati na sabiri thumi gre ka mare mala nodi naikno sneka mare mala hata naba sileni mala foli ghemi gano. Keha thumi gaꞌase re, ghehati la sabirihi mala naikno sneka kolho. Eigna ghehati theome tangomana te eni kaisei glepo na, naugna glose nei nomi nagare grep teure, kherami ghehati igre la hatahi ka ghehati.”

Nehemaea 5:8

Ka faidu igne iara ne cheke eghu, “Kheraguro! Thono ninhigrana fara teke salo sileni mala teke foli fapulodi kherada teke sabiri tahati ka mae bongihehe te mala nodi naikno sneka mare ra. Nu gognarona ghotilo nhaꞌa lao puhi biꞌo ke klignadi kherada re, eghuteuna ghotilo sabiridi ka keha mae Jiu gre mala nodi naikno sneka mare!” Aonu mae mala baubatu igre ne kmu soru kolho ne theome ghagri kaisei cheke.

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Levitikas 25:25

“Jame kaisei ka ghotilo thono kuma fara, eghuteuna mana sabiri nogna glose na, kheragna ka tharakna gna mana na mala ke foli mala ke hata fapulo glose tuana.

Levitikas 25:47

“Jame kaisei mae phosa te au balumi ghotilo na kaisei mae dedei, eghuteuna kaisei kherami ghotilo kuma ne ghilei sabirini thegna ka mae dedei igne, ba ka kaisei tharakna gna mae dedei tuana.

Levitikas 25:49

Ba mana tangomana te toreni nebugna na, ba keha thabusigna na, ba kaisei kheragna ka tharakna gna mana mala mei ke foli fajifla ka mana. Ba mana thegna tangomana te dei sileni, mana tangomana te fajifla thegna mala tei snagla.

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”