Levitikas 25:43 - Buka Blahi Ka Cheke Holo

⁴³ Ghotilo thosei fanolidi naikno te kuma re naugna ghotilo mala ghatho tahu ghau iara kolho, nomi God ghotilo.

Levitikas 25:43 ပူးပေါင်းရင်းမြစ်များ

Kolose 4:1

Ghotilo mae funeira, reireghi fakelidi nomi mae glokure ka puhi te doglo. Naugna ghotilo laseni te au kaisei nomi mae funei biꞌo kligna, mae ihei te filo ghami nei taba ghami ba para ghami leghuni unha te eni ghotilo na.

Levitikas 25:46

Thumi nalhaꞌu ghotilo are tangomana teke hata kasa ka kaisei sneka, eghuteuna mare ginauna mala loku jateula naikno sneka eghu fabrahu ghilei lehe. Nu ghotilo mala thosei tapla faparini kaisei kherami maegna Israel mala jateula kaisei naikno sneka eghu, eghuteuna ghotilo mala thosei fagoigolidi mare.

Levitikas 25:17

Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Levitikas 25:53

Mae gna Israel teke sabirini thegna ka mae dedei tuana mana neke jateula mae ihei te loku ka sileni eghu. Eghuteuna ghotilo mala fiofilo ghami ka mae dedei igne glahu fagoigolini mana kherami na.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Isaia 58:3

Nu mare cheke eghu koba ka iara, ‘Lord, filo mei ghami ka vido te theome ima nei nhaꞌa fapari ghami themi teu gre, naugna unha sagho te theome eni kaisei glepo te mala togho ghami ghehati gnea?’ ” Nu iara Lord ne cheke eghu ka mare, “Uve, tutuani fara te theome ima ghotilo te mala ghatho tahu ghau iara teu nu eni fabrahu ghotilo unha te magnahagheni themi na teuna, ghotilo paradi fabrahu nomi mae glokure.

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Diutronomi 25:18

Ka narane tuana, mare neke theome mhaghuni God, aonu neuba ghotilo ne babaꞌo fara, nei glaꞌe soru neu, mare ngolhi ghami ghotilo aknu falehedi iheire te thoghei fara te nolo leghui.

Eksodas 5:14

Mae funei igre ne puri fadiꞌadi mae te reireghidi mae gloku re. Eghuteuna mae funei igre ne cheke eghu ka mare, “Naugna unha site theome eꞌei naba brik ghotilo gnorai ba gognarognea, jateula te sughu edi ghotilo tifa ra teuna?”

Eksodas 3:9

Uve, nodi natanhi nogu naikno iara re la mei posahi ka iara. Eghuteuna iara la filonihi puhi te diꞌa te eni naiknodi Ijep ka mare na.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Eksodas 1:17

Nu repa ne theome leghuni unha te chekeni king igne, naugna repa ghatho tahuni God. Kate karha sua nalhaꞌu na, repa snakreni sua igne mala karhau kolho.

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Levitikas 25:42

Ghotilo naiknomi Israel, iara neke hata fajifla ghami Ijep aheva ghotilo teke sneka tagna. Tutuani, ghotilo nogu naikno gloku iara Lord. Naugna igne blahi kaisei ka ghotilo te mala sneka ka keha mae na.

Levitikas 25:44

“Eghume, jame te magnahaghei au nomi naikno sneka ghotilo na, ghotilo tangomana te tei foli nalhaꞌu ba gaꞌase ka keha kantri te au falithui ghami ghotilo are.

Fapea Kronikols 28:10

Eghuteuna gognarona ghotilo magnahaghedi keha naiknodi Jerusalem nei Juda eghu mala nomi naikno sneka ghotilo. Ba, ghotilo gaoghathomi na theome naba te papara eidi nakhibo te edi ghotilo ranghini Lord are?

Thoutonu Eigna Mae Job 31:13

“Jame kaisei nogu mae gloku iara ba kaisei nogu gaꞌase gloku iara khuru cheke ka iara, aonu iara fanomho fabrahu kolho tagna, eghuteuna iara fadoglini glepo igne.

Thoutonu Eigna Mae Job 31:14

Jame te theome eni iara igne na, unha gne nate eni iara kate mei God te fate ghau iara na? Eghuteuna kate mei God te filo ghau iara na, unha nate chekeni iara ka mana ginauna?