Levitikas 25:39 - Buka Blahi Ka Cheke Holo

³⁹ “Jame kaisei kherami ghotilo thono kuma fara ghilei sabirini thegna ka kaisei ka ghotilo, te eghu na, ghotilo thosei snakreni mana mala loku jateula kaisei nomi sneka eghu.

Levitikas 25:39 ပူးပေါင်းရင်းမြစ်များ

Eksodas 21:2

Jame kaisei mae ka ghotilo te foli kaisei Hibru, mala nogna naikno sneka, mae igne ginauna tangomana te loku jateula sneka eghu nabagna namno finogha. Ka fafitu finogha na, mae igne ginauna snagla tei nogna. Eghuteuna mana ginauna theome tangomana teke tusu lao kaisei glepo ka nogna funei na.

Ululahu Kings 9:22

Nu mae Solomon neke theome nhaꞌa lao gloku jateula sneka eghu ka naiknodi Israel, mare loku jateula nogna soldia, ofisa, komanda gna armi, mae biꞌo ka gavman, nei mae kapten ka chariot nei mae kapten te saghe ka hose.

Nehemaea 5:5

Neuba tahati mae Jiu gre ne kaisei vike kolho, eghuteuna thuda tahati gre kaisei nanaba ngala ka thudi keha kherada mae Jiu igre neu, nu ghehati na sabiri thumi gre ka mare mala nodi naikno sneka mare mala hata naba sileni mala foli ghemi gano. Keha thumi gaꞌase re, ghehati la sabirihi mala naikno sneka kolho. Eigna ghehati theome tangomana te eni kaisei glepo na, naugna glose nei nomi nagare grep teure, kherami ghehati igre la hatahi ka ghehati.”

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”

Levitikas 25:46

Thumi nalhaꞌu ghotilo are tangomana teke hata kasa ka kaisei sneka, eghuteuna mare ginauna mala loku jateula naikno sneka eghu fabrahu ghilei lehe. Nu ghotilo mala thosei tapla faparini kaisei kherami maegna Israel mala jateula kaisei naikno sneka eghu, eghuteuna ghotilo mala thosei fagoigolidi mare.

Profet Jeremaea 34:14

‘Jame kaisei gaꞌase ba kaisei mae nalhaꞌu ka mae Hibru igre sneka ka ghotilo, mana ginauna mala loku jateula naikno sneka eghu nabagna namno finogha kolho, nu ka fafitu finogha na, ghotilo snakreni mana mala snagla jifla tei.’ Nu kuꞌemi ghotilo ra mare neke tirodi fanomho ka iara, nei tirodi leghu ghau iara.

Profet Jeremaea 30:8

“Ka narane igne, iara Lord mae ihei te au nolaghi fateote'o ginauna atha fadelei ghami ghotilo ka nodi nolaghi nomi naokare, jateula mae ihei te atha fadelei vido thaba balu nhugha ka grara gna buluka na ia eghu. Uve, iara ginauna kusu chen te haru fabrahu ghami ghotilo mare igne. Eghuteuna ginauna na theo kaisei mae ka keha kantri igre nate atha ghami ghotilo te tei loku jateula sneka teuna.

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Profet Jeremaea 25:14

Naiknodi keha kantri igre balu nodi mae king biꞌo ginauna mei atha mae igre mala tei loku jateula naikno sneka eghu. Iara ginauna na eni igne ka mare foli fapulodi unha puhi te diꞌa teke edi mare ka keha naiknore.” Igne chekegna Lord.

Eksodas 1:14

mala diꞌa salaꞌui fara nakarhadi re. Mare huhurudi naiknodi Israel mala loku ka brik, nei mala loku ka suga biꞌo ka namono na, nei mala loku ka nodi nagare, eghuteuna leuleghu fata na mare goigonidi nei tirodi kokhonidi.

Matiu 18:25

Nu mae gloku igne theome tangomanani teke tughu fapulo sileni te biꞌo fara igne. Aonu mae funei na ne cheke faheta ka mare mala fofoli mae igne jateula mae sneka eghu baludi nogna glepo teke khotodi mana re, baludi khetogna nei thugna teu mana re. Mae funei na eni igne mala ke tughu fapulo sileni biꞌo fara teke kaoni mana na.

Fapea Kronikols 28:10

Eghuteuna gognarona ghotilo magnahaghedi keha naiknodi Jerusalem nei Juda eghu mala nomi naikno sneka ghotilo. Ba, ghotilo gaoghathomi na theome naba te papara eidi nakhibo te edi ghotilo ranghini Lord are?

Profet Jeremaea 34:8

King Sedekaea ne eni kaisei nhaꞌa cheke baludi naikno te gnafa te au Jerusalem. Te chekeni ka nhaꞌa cheke igne na, mare magnahagheidi naikno sneka te gnafa, gaꞌase ba nalhaꞌu te snagla mala jifla tei. Mare theome magnahagheni kaisei naikno Jiu te sneka na. Aonu naiknore baludi keha naikno te loku fodu ka nhaꞌa cheke igne, mare leghuni nhaꞌa cheke igne ne snakredi nalhaꞌu sneka nei gaꞌase sneka teu igre snagla jifla ne tei. Nu ke leghugna igne, mare neke tughu gaoghatho neke atha fafigridi neke huhurudi mala ke loku jateula naikno sneka eghu. Aonu, Lord ne chekeni cheke igne ka profet Jeremaea.