Levitikas 25:35 - Buka Blahi Ka Cheke Holo

³⁵ “Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Levitikas 25:35 ပူးပေါင်းရင်းမြစ်များ

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Mae Khuru 11:29

Aonu mae fanomhore ne kaisei gaoghatho ngala mala toghodi naikno khiloau te kmo'e ka glepo ka Provins Judia. Igne lelheghu ka ihei te tangomana te toghodi mare na.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Nodi Khoje Hatimare Mae Jiu 41:1

Ihei te ghathoni nei toghoni teu naikno te kuma na, naikno igne thofno keli tagna fara. Lord ginau toghoni mana kate nhotei mana kau hoholo na.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Galesia 2:10

Nu mare tore ghami ngala ghepa mala ghathodi naikno te kuma te au Jerusalem, eghuteuna igne kaisei gloku te magnahaghei eni fara iara na.

Fapea Korin 9:1

Iara theome naba te riso ari ka ghotilo eigna sileni te mala toghodi nogna naikno God te au ka namono Jerusalem.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Letas Teke Riso Tei Mae Pol Ka Khiloau Rom 12:20

Eghuteuna u grioriso te blahi na jaola cheke eghu, “Jame te rofo nogna nou naoka na, iagho fei ghegna. Eghuteuna jame te rogna koꞌu na, iagho fakoꞌuni. Jame te eni iagho igne na, iagho ginauna famamajani fara mana mala ke tughu mana puhignare ka iagho.”

Letas Teke Riso Tei Mae Pol Ka Khiloau Rom 12:18

Hati nhetami na fabrahu mala au ka pharikeli baludi naikno te gnafare.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Jone 12:8

Naikno te kuma gre au fabrahu agne balumi ghotilo mala toghodi, eghuteuna iara gne theome au fabrahu agne balumi ghotilo.”

Nonomho Te Keli Teke Risoi Mae Mak 14:7

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka narane aheva te magnahaghei ghotilo na. Nu iara gne ginauna na theome au fabrahu balumi ghotilo.

Matiu 25:35

Naugna kate rofo iara na, ghotilo faghamu ghau iara. Kate roi koꞌu iara na, ghotilo fakoꞌu ghau iara. Kate jifla kokoni iara sugagu na te tei delei na, ghotilo taji ghau iara ka sugamire.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 17:5

Jame te cheke faparini iagho naikno te kuma na, iagho cheke faparini God mae ihei teke vuavuhani naikno na. Jame te gleale'a iagho ka puhi biꞌo te thokeni keha mae na, iagho ginauna au papara.

Levitikas 25:25

“Jame kaisei ka ghotilo thono kuma fara, eghuteuna mana sabiri nogna glose na, kheragna ka tharakna gna mana na mala ke foli mala ke hata fapulo glose tuana.

Levitikas 19:34

Ghotilo mala ghathodi narane teke au ghotilo Ijep jateula naikno phosa teku jare ra. Ghotilo namhadi naiknodi delei are jateula te namha ghami themi eghu, eghuteuna ghotilo mala reireghi fakelidi, jateula ghotilo te reireghi fakelidi tharaknami themi are eghu. Iara Lord, nomi God ghotilo.

Eksodas 23:9

“Iagho thosei eni kaisei puhi te diꞌa ranghini naikno gna delei te mei au ka namonomu iagho na. Iagho laseni puhigna naikno te jifla kokoni namono gna na te tei au delei na, naugna ghotilo neke au Ijep tifa na.”

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Diutronomi 23:19

“Kate kaoni sileni, ba gano, ba keha glepo ka ghotilo mae kherami ghotilo na, ghotilo thosei foli kaisei intres ka mana.

Nehemaea 5:1

Ka narane tuare, kmana naikno Jiu ne kmoꞌe ka glepo, eghuteuna mare ne cheke balu diꞌatadi ka kheradire.

Eksodas 22:24

Tutuani fara, iara ginau na thono diꞌatagu fara ka ghotilo eghuteuna iara na chekedi mae naokare mala mei falehe ghami ghotilo mala lehe kokodi ghotilo khetomi nei thumi teu are.

Nehemaea 5:3

Eghuteuna kehare ne cheke eghu, “Ka narane ninhigrana te theo gano te rofo igre, ghehati lisa lao ghemi thobi nei nomi nagare grep, nei jaola nomi suga teure ka khamedi mae te dedei igre mala tangomana ghehati te kaoni ka mare te mala foli ghemi gano na, mala theome lehe ghehati ka grofo.”

Thoutonu Eigna Mae Job 31:16

“Leuleghu fata na iara toghodi iheire te kuma, eghuteuna iara farerheta gaoghathodi naikno biꞌo teke lehehi khetodi re.